Home Comercio Aruba Gastronomic Association ta nada contento cu Gobierno su decision riba BBO

Aruba Gastronomic Association ta nada contento cu Gobierno su decision riba BBO

89
0
SHARE
- Advertisement -

Jan van Nes:

ORANJESTAD  (AAN): Presidente di Aruba Gastronomic Association (AGA) Jan van Nes Diabierna durante un conferencia di prensa na Camara di Comercio (KvK), relaciona cu e ley di BBO/BAVP/BAZV.

Segun van Nes, AGA a argumenta cerca Gobierno e retonan cu comerciantenan y  muy en particular Food & Beverage (F&B) lo enfrenta.

“Despues cu KvK a entrega proposicionnan, a pensa cu di berdad a convence servicio di impuesto y minister di Finanzas cu mundo comercial lo enfrenta hopi problema cu e decision di inclui impuesto den e prijs”.

“A wordo basha un poco awa den biña, pero nos no ta nada contento”.

“Te berdad cu varios negoshi y restaurant a incorpora e impuesto den e prijs caba, pero na e momentonan aki tin un cantidad di negoshi di F&B cu ta bezig ta calcula, inclui e impuesto den prijs y manda nan menu pa imprenta”.

“Pasobra nan a pensa cu na final di dia e sentido comun lo prevalece”.

“Den economia cu ta depende di comercio cu ta e weso di lomba di nos economia, bo no ta obstaculiza sector priva”.

“Esey tabata nos punto di bista”.

“Door di inclui e impuesto den e prijs esaki ta hisa e prijs y e percepcion cu nos a bira mas caro ta un hecho, unda Aruba ya caba ta wordo considera di ta caro”.

Esaki segun van Nes, kende a indica cu AGA ta respeta e decision ancra den ley.

“Sinembargo, den e stakeholders meeting a keda estableci cu solamente 60% di negoshi ta cumpliendo cu e deber di paga BBO”.

“Nos tin miedo cu e cambio aki lo pone cu menos lo cumpli”, segun van Nes, kende a indica cu tin varios hende cu ta pensa di cera of bende nan negoshi, door cu e ta birando bastante dificil pa opera e negoshi, basa riba e costo di hasi negoshi cu a aumenta.

“Nos tin cu hasi nos mes e preguntanan: nos lo sigui inverti?, nos lo sigui expande?, nos lo sigui crea mas cupo di trabao?”

“Nos tur ta conciente di e situacion financiero di Gobierno y nos tur kier ta parti di e solucion”, segun e presidente di AGA.

 

 

- Advertisement -

DUNA COMENTARIO

Please enter your comment!
Please enter your name here