Home General Aruba Lions a lanza CD pa yega na fondonan pa sigui yuda...

Aruba Lions a lanza CD pa yega na fondonan pa sigui yuda comunidad

37
0
SHARE
- Advertisement -

ORANJESTAD (AAN):  Aruba Lions Club su CD ta riba Mercado atrobe. E disco compacto cu algun siman atras a ser lansa y cu lo sirbi pa yuda Aruba Lions Club cu su fondonan pa yuda comunidad a caba.

E di dos lote a yega ta riba Mercado. Esaki ta obtenibel na tur Citgo pomp station, na Dyon Center, cerca e miembro nan di Aruba Lions Club y tambe via di nan facebook page.

E fondonan principalmente ta pa mantencion di e camanan di hospital y pa cumpra entre otro matras nan nobo. Tambe pa mantencion di e rolstoelnan. Tur dos articulo ta esencial pa hopi famia cu mester di uno.

Ta for di 1978 Aruba Lions Club ta bin ta hasiendo e trabao aki pa comunidad y riba su mes un forza danki na e cooperacion di e pueblo di Aruba. Tambe hasta a yega di haya cama y rolstoel como donacion di pueblo cu ta ser re introduci bek den comunidad mediante e programa di Hospital Bed and Wheel Chair.

Aruba Lions Club den ultimo tempo ta saliendo hopi padilanti cu diferente proyecto pa comunidad tanto pa nos muchanan y tambe nos grandinan y sigur cu mas proyecto hopi interesante na caminda entre otro di diabetis y pa wowo.

Den cuadro di 72 aña di existencia di Aruba Lions Club y apoyando nos artistanan local, esaki ta un proyecto caminda e agrupacion musical Melodia a acompaña 7 diferente cantante local bon conoci den comunidad y kende nan spontaneamente a duna nan cooperacion boluntariamente.

E disco compacto cu ta hiba e nomber “Caribbean Vibes” cu 8 tema musical popular cu ritmonan latino y caribense bon varia manera merengue, cadanse, soca, vallenato y mas.

Locual sigur ta hasi e produccion aki asina atractivo ta cu tur ta canticanan presenta pa Melodia cu su zonido cu e toke crioyo y canta pa entre otro; Richard “Tattoo” Quand, Robert Maduro, Cecilito Lopes, Ito Dania, Claudius Phillips, Robert Jeand’or, Inky Richardson y na final un cancion caminda diferente di e cantantenan aki lo interpreta.

Tanto pa e grupo Melodia cu ta un placer y honor pa por a participa den e proyecto aki hunto cu e legendarionan aki, sigur pa cada un cantante tambe e ta un placer pa por a yuda den un proyecto uzando nan talento caminda cu e fondonan ta bay bek den comunidad.

Aruba Lions Club ta probecha pa felicita y gradici Lion Rubin Ponson cu a hasi e produccion aki posibel y alavez tur integrante di grupo Melodia cu un bunita trabou mescos pa cada un di e cantantenan cu nan voz magistral y unico.

Tambe un palabra di danki ta bay na e sponsernan cu a cubri e gastonan di e promer lote di CD.

Motibo pa bo tin un di e CD nan aki ta cu bo tambe por contribui na apoya nos artistanan local y mantene nos cultura bibo, sin duda bo tin un produccion cu musica bon varia bailable y alegre y pa no lubida cu compra di cada disco bo ta aporta grandemente na Aruba Lions Club caminda cada florin ta bay bek den proyectonan pa comunidad.

Un bunita recuerdo di Aruba Lions Club su 72 Aniversario pa abo tambe tin.

- Advertisement -

DUNA COMENTARIO

Please enter your comment!
Please enter your name here