Home General Aruba Lions Club a haya mashin pa screen wowo di muchanan di...

Aruba Lions Club a haya mashin pa screen wowo di muchanan di scol y kleuter

39
0
SHARE
- Advertisement -

E siman aki a haci 400 test di bista

ORANJESTAD (AAN):  Ivan Croes, Presidente di Aruba Lions Club y nan tabata den e siman di ‘vision screening’ unda cu nan a bishita diferente scol rond di Aruba.

A bisa cu nan a haya un mashin (spot vision machine) pa medio di Lions Club International Foundation. E mashin ta uno hopi sofistica y tin un spot camera caminda e muchanan ta sinta y e mashin ta screen nan wowonan y den menos di 30 seconde e ta duna tur detaye di ki problema e mucha tin cu su bista.

Aruba Lions Club a bishita entre otro Sint Franciscus College, Colegio Cristo Rey, Colegio Santa Famia, Tanki Leendert y finalmente na Dakota.

E meta ta pa sigui haci esaki na otro scolnan basico y tambe kleuter na Aruba, Croes a señala.

A agrega cu e cifranan cu nan ta hayando aworaki ta alarmante relaciona cu problema di bista. Loke e club ta haci ta duna e resultado cu e mashin ta emiti y ta duna e mayornan kendenan lo mester bay un doctor di cas y despues pa un oogarts.

Aruba Lions Club a haya e mashin aki como un donacion, asina Diana Castillo, anterior Gobernador  di e distrito 35N cu ta compronde Florida, Bahamas y ABC Islands. Nan a bin Aruba pa haci e donacion di e mashin di vision cu por haci test di bista for di un edad di 6 luna te na 100 aña.

Nan a haya sa di e necesidad cu tin na e scolnan na Aruba pa haci e tipo di testnan aki. E meta ta preveni. E siman aki nan a realiza 400 test di bista y nan ta spera di por sigui cu e labor, Castillo a indica.

 

- Advertisement -

DUNA COMENTARIO

Please enter your comment!
Please enter your name here