Home Deporte Arubianonan bishitando Dallas a bay topa cu Xander Bogaerts den stadion

Arubianonan bishitando Dallas a bay topa cu Xander Bogaerts den stadion

250
0
SHARE
- Advertisement -

ORANJETSAD (AAN): E siman aki tin un grupo di bon amigonan Arubiano pasando dianan di vacacion na Texas.  E grupo ta consisti di Jerrold Tromp, Enzo Koolman, Anthony Maduro, Bryan Maduro, Rignald Croes, Jeremy Snijders, Jeannil Esteba y Ranzino Lacle.

E grupo di amigo aki tin e costumber caba, cu ora nan bay di vacacion na Merca, nan ta trata di bay mira mas hopi Wega di Major League Baseball.

Nan ta haci esey, door di huur un Van, y ta core rond pa trata na bishita mas hopi stadion di Major League Baseball.

E biaha aki, nan a dicidi di bishita Dallas pa asina nan ta un poco central di Houston, Kansas City, Oklahoma City y St. Louis.  Di e forma aki nan por bay mira asina bay mira wega na e cuidadnan aki.

Diaranzon anochi despues cu nan a baha for di Kansas City, a toca turno pa bin mira e wega di Boston Red Sox contra Texas Rangers na stadion Globe Life Park na Arlington, cu ta keda cerca di Dallas.

Na Dallas tin algun Arubiano ta biba tambe, esta Ed Flanegin y Richard Wolter.

Tanto Ed y Richard a topa cu nan, y a dicidi na acompaña nan tambe pa bay mira e wega di Red Sox y Rangers.

Loke a haci e wega aki mas interesante, ta e hecho cu Xander Bogaerts di Boston Red Sox a ripara nan presencia.  E grupo tabatin bandera di Aruba como tambe petchi di Aruba riba nan cabez.

Pues mesora nan a busca forma pa subi tereno pa saca potret cune.  Security di Global Like Park a check si ta OK cu Xander, y asina el a duna su completo cooperacion pa e fanaticonan Arubiano subi, saluda, y saca potret cu e pelotero Arubiano.

Xander sigur sumamente contento di topa cu Arubianonan fanatico di dje na Dallas.  E arubianonan a keda encanta pa nota, con keto bay Xander ta un persona ‘down to earth’ y ta corda semper riba su hendenan.

DIARIO a compronde cu riba Diahuebs, e Arubianonan residencia na Dallas, a hiba e bishitantenan aki pa bay come un bon Barbecue, cu ta e specialidad di Texas.

 

- Advertisement -

DUNA COMENTARIO

Please enter your comment!
Please enter your name here