Home Comercio ATIA ta condena accionnan di SADA

ATIA ta condena accionnan di SADA

65
0
SHARE
- Advertisement -

ORANJESTAD  (AAN): ATIA a tuma nota cu Sindicato Aduanero di Aruba a dicidi di bay den accion y no lo reanuda trabou te ora gobierno concede na e acuerdo cu a wordo firma dos aña pasa.

Ta lamenta cu SADA cada biaha ta recuri na welga como instrumento primordial pa yega na loke nan ta exigi sin tene cuenta cu e consecuencianan grandi cu esaki tin pa Aruba. Un paro den e trabou di douane ta resulta den paro total den entrada di productonan necesario pa comunidad y nos pilar economico cual ta turismo. Ademas ta crea retrasonan den schedule di barconan cu mester baha nan carga na Aruba, resultando den costonan halto adicional.

Ta berdad cu ta cada sindicato tin e derecho di pone forza y exigi cumplimento cu derechonan laboral, pero semper y cuando considerando proporcionalidad y den e situacion economico precario cu Aruba ta aden aworaki, ta inaceptabel cu ta pone presion adicional riba nos economia door di corta e ader principal di Aruba su economia.

ATIA a manda un carta pa SADA awemainta, urgiendonan pa pone un paro na e accion aki y reanuda trabou pa asina no causa mas danjo na nos comercio y comunidad.

 

- Advertisement -

DUNA COMENTARIO

Please enter your comment!
Please enter your name here