Home Policial Atracadornan a hit Cura Cabay Supermarket bay cu placa y carchi prepaid

Atracadornan a hit Cura Cabay Supermarket bay cu placa y carchi prepaid

261
0
SHARE
- Advertisement -

ORANJESTAD (AAN): Riba Diahuebs anochi, tanto Polis como Atraco Team a start c un investigacion, ora cu a bira conoci cu un atraco a ser cometi.

Atracadornan den accion, a pone cu un unidad di Polis a ser manda cu urgencia pa Cura Cabay Supermarket riba caminda principal di Playa pa San Nicolas.

Polis a bay eynan, debi cu na e negoshi aki na Cura Cabay un atraco a tuma lugar. Patruya di distrito San Nicolas den un rato di tempo a acudi na e lugar indica. Na yegada polisnan a papia cu e doño di e Supermercado.

El a declara cu e ta para tras na e Cash Register ora cu diripiente tres homber a drenta den establecimento y nan a grita “Atraco”.

E homber prome tabatin un pistol chikito color blanco den su man y e ta bisti cu sweater cu capuchon. E di dos homber ta bisti full na preto y su cabez ta cubri cu T-shirt blanco. Mientras tanto e di tres atracador tin bisti tambe un sweater pero color berde y cu capuchon y ademas e tin manga largo na curpa.

Tur e tras bandidonan aki tabata cu handschoen color blauw. E hombernan segun e denunciante, a comunica den bon papiamento y e tur e tres hombernan aki a bula tras di e Cash Register y a para banda e doño di Cura Cabay  Supermarket.

Asina nan mes estilo Self-Service a gara y saca for di e caha cantidad di placa segun calculo den careda di 3.000 Florin, carchinan pre-paid di telefon di Digicel y Setar y tambe mas o menos 2.000 Florin mas, y alavez  a bay cu 6 botter di cognac Hennessy.

Atraco Team y ademas Slachtoffer Hulp a presenta na e Supermercado. Investigacion a inicia di biaha, pa check tur security camera, lo revisa e video di tanto paden y pafo graba y ademas check den e direccion cu e atracadornan a bini y a baha bay.

- Advertisement -

DUNA COMENTARIO

Please enter your comment!
Please enter your name here