Home Policial Auto compacto a dal contra acera y bolter riba Paradera Corridor

Auto compacto a dal contra acera y bolter riba Paradera Corridor

472
0
SHARE
- Advertisement -

ORANJESTAD (AAN): Chauffeur di un auto compacto Kia Picanto color oro, pa un motibo of otro a perde control ora cu su vehiculo a bay dal cu velocidad riba e acera halto.

Esaki a socede riba e caminda principal cu awor yama Paradera Corridor, net pabao di MFA Paradera.

Debi cu e auto a mishi cu e acera, e vehiculo a bay halto na un banda, y e momentum di movimento, a pone cu el a bolter y finalmente keda cu su cuatro wielnan na halto.

Polis a yega y haya e Kia Picanto A-16679 gebolter y parcialmente ainda riba acera.  Un dama den e vehiculo a resulta levemente herida, y el a keda benta abao den e dak di vehiculo wardando yudanza di Paramediconan di Ambulans.

Trafico a stagna e momento ey den e area, y Polis a percura pa tur cos a move trankil.  Algun hende eybanda a kere cu lo tin un baby tambe envolvi den e accident, como cu tabatin un Baby-Carrier.  Pero a resulta cu ta e dama so ta den e vehiculo.

Cu sirena y hopi urgencia, Ambulans a transporta e dama rumbo pa Hospital pa ricibi tratamento medico.

Departamento di trafico a keda atende e accidente cual a tuma lugar den un fraccion.

- Advertisement -

DUNA COMENTARIO

Please enter your comment!
Please enter your name here