Home Hudicial Autoridadnan a detene tres hoben cu a agredi homber na San Nicolas

Autoridadnan a detene tres hoben cu a agredi homber na San Nicolas

712
0
SHARE
- Advertisement -

Awe nan ta presenta dilanti di Fiscal y Hues Comisario

ORANJESTAD (AAN):  Den un caso cu a conmove comunidad pa nivel di crueldad di un grupo di hoben contra un homber cu no por a defende su mes, DIARIO a haya informacionnan cu e tres hoben, dos di 12 aña y un di 13 aña a wordo deteni.

Diamars pasa, un video tabata circula ariba Facebook, unda por a mira claramente con dos hoben, cu edad tabata dificil pa determina pero si por a mira cu tabata trata di mucha jong, a drenta den un edificio aparentemente bandona y a cuminza bati un persona sin cu e por a defende su mes.

Esaki a sosode na San Nicolas. E video tabata mustra 2 hoben, pero autoridadnan a indica cu tin un di tres hoben envolvi, casi sigur ta trata di esun cu a graba e abuso aki.

Informacionnan a indica cu tabata trata di dos mucha inicialnan A.W y D.J cu a agredi un homber mientras cu  e ultimo aki tabata sclama: “mi no a haci bo nada!”. E mucha hombernan cu tubo/palo den man tabata dal e homber hopi duro y manda obheto contra e curpa di e homber indefenso sin motibo.

DIARIO a haya hopi reaccion di personanan disgusta cu e abuso aki, specialmente esnan cu conoce e victima, kende ta persona cu no sa molestia hende.

E tipo di cosnan aki no por pasa den nos comunidad, y peor  muchanan di un edad asina jong. E caso ta bao di investigacion y comunidad a manifesta cu nan ta spera mas atencion di autoridad y instancianan concerni riba e tipo di suceso aki.

- Advertisement -

DUNA COMENTARIO

Please enter your comment!
Please enter your name here