Home Parlamento AVP a bira loco ora cu a kita e Voorzitterschap di Richard...

AVP a bira loco ora cu a kita e Voorzitterschap di Richard Arends di vaste commissie

106
0
SHARE
- Advertisement -

Parlamentario Endy Croes

ORANJESTAD (AAN):  Parlamentario Endy Croes a splica cu awor pueblo ta compronde e actitud di AVP den e caso di Richard Arends di AVP cu mas claridad al respecto di a sconde su contracto miyonario di 2.6 Miyon florin como CFO esta Directeur Financiero di RDA.

Segun Croes scondemento di documento no ta keda pa semper y e berdad semper ta alcance na caminda. Parlamentario Endy Croes a bay bek den  Parlamento y a bay busca notulen di un reunion di 14 di september 2018, e fecha unda a trata Comisionnan Fiho di Parlamento.

Actitud negativo

Parlamentario Endy Croes a encontra e scenario unda cu a kita Voorzitterschap di Richard Arends di AVP kende tabata Voorzitter di e Comision Fiho Overheids N.V’s y a traspasa esaki pa Edgard Vrolijk di MEP.

Richard Arends, Marlon Sneek, Mervin Wyatt Ras, Jennifer Reyes y demas coleganan di AVP den e reunion aki a sapatia, zundra y hasta a bay pafor yama nan amo Speed pa bay live den prensa expresando nan mes cu Coalicion ta abusa di nan poder.

Parlamentario Endy Croes como un Parlamentario nobo e tempo ey, pues menos cu un aña den funcion, no por a compronde e actitud negativo di entre otro Richard Arends y Marlon Sneek menos nan preocupacion asina grandi pa keda cu e presidencia hustamente di Overheids N.V’s.

Scondemento di contracto

Recientemente colega Edgard Vrolijk den calidad di Voorzitter di Comision Fiho Overheids N.V’s bou di cual RDA tambe ta cay a logra pone man riba e contract miyonario di Richard Arends como CFO di RDA, esta e contracto di un salario di Afl. 22.375,- pa luna cu un clausula di 2.6 Miyon florin.

Segun Parlamentario Endy Croes awor por compronde e actitud di AVP. Awor mas cu nunca ta bisto pakico Richard Arends y Marlon Sneek a sapatia dia 14 di september 2018 momento cu Coalicion a kita e voorzitterschap di Richard Arends.

Awor ta hopi cla cu AVP tabata sa di e contracto aki y kier a sconde esaki cueste loke cueste pa asina acomoda Richard Arends despues cu e sali for di Parlamento. Awor ta mas cla tambe e actitud y rabiamento di miembronan di AVP durante dicho reunion.

Nada ta keda scondi

Si no ta pa e “switch” aki cu Coalicion a boga y a para fuerte pe pa logra destitui Richard Arends for di e posicion aki casi sigur Richard Arends lo a logra su meta esta pa  mantene e contracto aki scondi y nunca mas esaki lo a mira luz di dia.

Segun Parlamentario Endy Croes 1+1 no por ta 3. Manera e dicho Hulandes ta bisa “Nu komt de aap uit de mouw”.

Pa e rason aki entre otro ta di suma importancia cu voorzitterschap di tur e comisionnan fiho ta den man di miembronan di Coalicion pa nada pero nada keda scondi pa e partido AVP cual partido ta bay den historia como e partido di mas corupto nunca bisto, Parlamentario Endy Croes ta termina bisando.

- Advertisement -

DUNA COMENTARIO

Please enter your comment!
Please enter your name here