Home Salud AZV ta anuncia cu docter nobo Kenneth Croes, ta disponible na Santa...

AZV ta anuncia cu docter nobo Kenneth Croes, ta disponible na Santa Cruz

34
0
SHARE
- Advertisement -

September ta e luna pa cambio di docter di cas:

ORANJESTAD (AAN) – Ta importante pa corda cu luna di September semper AZV ta habri, pa clientenan cu kier haci cambio di docter di cas.

Den entrevista cu DIARIO, e Relacionista Publico sra. Solange Tchong a trece dilanti esaki, indicando cu esaki ta sosode den dos periodo di e aña, esta Maart y September.

Pa loke ta cambio di botica semper e ta April y October.

Durante henter e luna di September aseguradonan di AZV por haci cambio di docter di cas, y awor tin un docter di cas nobo na Santa Cruz 52 (patras di Botica Maria), ken ta dr. Kenneth Croes.

Ta trata di un hoben Arubiano cu a studia na Aruba y despues a bay specializa na Hulanda, y door di su interes y pasion pa yuda hende el a haci e trayecto via Universidad di Amsterdam, aki na Aruba mes.

E docter aki ta disponible pa acepta aseguradonan di AZV. Sra. Tchong a indica cu e practica di dr. Kenneth Croes ta habri di Dialuna pa Diabierna, di 8’or di mainta pa 12.30 or di merdia y atardi di 1.30 or pa 4 or.

Su servicio di telefon ta habri mainta di 7.45 te 10 or di mainta pa haci cita, y tambe por haci esaki pasando na e bali di e oficina.

Sra. Tchong a reitera cu e ta un docter hoben cu tin su debido experiencia. El a traha na SABA, tambe na oficina di dr. Vis y dr. Croes den pasado, y tambe na Eerste Hulp na Hospital dr. Horacio Oduber. Asina aki AZV ta duna e aseguradonan un chens mas di cambia pa un docter di cas nobo.

 

- Advertisement -

DUNA COMENTARIO

Please enter your comment!
Please enter your name here