Home Politica Benny Nisbet y PPA tin algun idea pa rebiba Oranjestad

Benny Nisbet y PPA tin algun idea pa rebiba Oranjestad

230
0
SHARE
- Advertisement -

ORANJESTAD (AAN): Segun lider di Partido PPA, Benny Nisbet, ultimo tempo varios ciudadano y instancia ta expresa nan pensamento encuanto caida di Caya Gilberto Francois(Betico) Croes esta nos caya grandi den centro di Oranjestad nos capital!

Hopi lihe ta  scohe  pa benta falta riba e idea y/of proyecto di un street-trolley of su ehecucion. Ta parce cu hopi a lubida of tin interes pa lubida cu hopi prome cu tabatin un Trolley of su ehecucion caya grandi tabata den problema hopi  serio.

Segun Nisbet, ta nan humilde opinion  e decision of maneho cu a afecta centro di Oranjestad primordialmente tabata e maneho pa permiti desaroyo comercial/turistico dilanti di nos hotelnan ‘High Rise’. Un maneho inicia bow di gabinete  Oduber y a continua den full furia bow di gabinete Eman.

Ta e maneho (realidad)  aki a afecta caya grandi seriamente…turista por  crusa caminda dilanti nan hotelnan ‘High Rise” y bay   haci compras (shop) y bishita  un diversificacion di e  Cuisine Internacional, regional y local net pafor di nan hotelnan y NO tin e necesidad di subi taxi pa bay Oranjestad manera prome tabata e costumber.  tanto Taxista como comercio di Oranjestad  y otro caminda a sufri!

Hopi ta lubida esey of ta desea di lubida esey.  Kizas pa motibo politico?

   IDEA DI GRUPO HENRIQUEZ:

Acaso a lubida cu durante gabinete Oduber(MEP)  esta prome cu gab Mike Eman (AVP) a yega na gobernacion cu grupo Henriquez a prepara un plan pa salba Oranjestad e.o. door di construi un ‘dak’  riba cay grandi  y indica cierto skina den caya grandi unda por tin grupo cu lo toca durante dia etc.

A lubida cu  gabinete Mike Eman a  pone un paro na e plan Henriquez  y gabinete Eman a bay rondia otro alternativa.

   STREET-TROLLEY:

E unico partido cu a presenta e idea di ‘street-trolley’ ta partido PPA e eleccion ey!  A tuma over idea di PPA y a implemente cu hopi tardansa cual a contribui ‘extra’ na e crisis comercial/turistico den Centro di Oranjestad, mientras tanto hopi den comercio a cuminsa sera porta y muda sea dilanti di hotelnan of riba e ruta /caminda pa bay  Noord y Tanki Leendert.  Awor tin un desaroyo comercial riba ambos ruta di kita sombre.

E decision di laga e ‘street-trolley ‘core  bay pariba den  caya grandi y back pabao tambe tabatatin su resultado  negativo …kizas miho lo tabata pa a laga e  Trolley’s sigui den  Wilhelminastraat/Havenstraat etc.

Tambe no mester lubida e realidad cu den e periodo aki a nace e oportunidad pa  haci compras ‘on line’  y Internacionalmente.

   SISTEMA DI PARKEO:

E hecho cu gabinete Eman (AVP) a consecuencia di e crisis financiero cu nan mes a crea  a scoge pa  no subsidia  Arubus manera debe ser  a causa cu a bay busca otro entrada alternativa pa Arubus cual a conduci na e introduccion di  un sistema di parkeer den centro di Oranjestad.

Esey a mishi cu e libertad cu cual e Arubiano tabata acustumbra di move rond apesar di e pago di vehiculo caro,  invoerrechten pisa y riba dje un gasoline, y diesel cu tabata subi  substancialmente.

E implementacion aki a causa cu miles di arubiano a stop di bay Oranjestad pa haci compras esey ta un realidad amargo!

E realidad amargo  cu pa e hecho cu un ciudadano y turista  sea parkeer robez of no paga un suma di f. 2,00 tabata causa cu nan ta bay cu bo propiedad/auto cu tin un valor di miles di Florin a cay como un abuso pa  e consumido/cliente  arubiano cu tabata bishita centro di Oranjestad.  Hopi a busca pa haci nan compras otro caminda cu no ta den centro di Oranjestad  y esaki lamentablemente.

   SITUACION ACTUAL:

Aruba tin un centro comercial/turistico  nobo cu ta directamente dilanti di nos ‘High Rise’ Hotelnan cu ambiente formal!

Aruba tin algun caya comercial esta  di Oranjestad pa Noord (Ponton etc) unda e consumidor/cliente por yega para su auto dilanti e  negoshi cu e ta bay bishita sin e preocupacion di ricibi un boet of cu nan ta bay ‘tow’ su auto/propiedad bay cune.

Y tin un desaroyo tambe riba e caretera di  Oranjestad bay Tanki Leendert sin kita for cu na varios caretera otro tin e desaroyo commercial nobo. Tur esaki  a bini como contesta  e.o. riba e maneho di cobra ‘boet’ y bay cu propiedad di bo propio ciudadano/cliente bow condicion cu nan paga mas o menos 200 Florin anto tur esaki mientras 50% di nos pueblo ta cobra apenas un salario minimo cual ta haci cu nan ‘take home pay’ ta alrededor di 1.400 Florin.  Un boet  cu towmento di auto ta costa e arubiano humilde  14% di su entrada mensual. Esey ta splica e ausencia di e arubiano humilde den centro di Oranjestad pa haci su compras.

E sistema di boet y touw a worde sinti como  un abuso di pueblo ciudadano a rechasa esaki cu un ‘boycott’ di centro di Oranjestad

   LOKE TA E CONTESTA:

Mientras tanto e falta di tuma decision pa implementa un maneho positivo tambe a contribui. Un maneho pa NO mercadea Oranjestad nos capital debidamente  tamba a sigui contribui na e crisis crea pa ‘maneho robes di varios gobernacion!

Actualmente ta ‘idem dito’ ta prefera di grita contra e ‘trolley’ su y lubida e otro realidad cu a affecta Oranjestad  seriamente.

PPA ta conseha gobierno MEPORED pa dedica  atencion na e problematica Centro di Oranjestad prome cu perde esaki completamente.

Ainda cu creatividad y poco inversion por salba Caya Gilberto F Betico Croes y vecindario ….. pensa creativo  y actua prome cu ta laat……..

   PPA TA PROPONE:

Elimina e sistema di parkeer completamente ( a menos cu un tereno ta propiedad priva !) Elimina e  towmento di propiedad  di  ciudadano a menos cu esaki worde instrui pa Cuerpo di Polis pa un motibo hopi serio.

Cambia e tarea di e e Cuerpo cu tabata encarga cu controla parkeo den un tarea positive esta guia  y  yuda tanto local y turista ora nan ta enbusca dilugar di parkeer y  funciona como un seguridad pa asina duna local como turista un sentimento di seguridad.

Mira y trata e proyecto di Trolley como un ‘competitive edge’ cu Aruba tin compara cu otro destinacion den Caribe! Habri caya grandi back p.e. despues di cierto ora.

Apunta algun lugar/proyecto den Centro di Oranjestad  p.e. un  ‘Museum Nacional Nobo’ cu presentacion mas amplio di historia y desaroyo di Aruba  !!

Cu por worde bishita pa Turista y pa  alumno/studiante creando un otro forma di duna historia  na nos alumno y studiante.

Crea un Plaza  Cultural na final di Caya grandi na unda lo por tin un desaroyo  di Arte , Souvenir y Musica Arubiano na final di caya grandi.

Apunta ciertolugar unda lo permiti  ‘trio  y otro agrupacion’  toca nos musica  durante cierto ora di  dia.

Analisa si lo no ta bon pa  comercio keda habri  te 9 or riba cierto dia y wak con esaki ta bay.

A bira tempo pa permiti construccion di  2 of tres ‘boutique  of business hotels’ den Caya grandi pa crea y garantisa cierto movimento comercial kizas restaurant etc den caya principal tambe por worde purba.

Tin mas desaroyo  necesario den nos capital Oranjestad   desaroyo cu lo tin  un impacto economico . E desaroyo aki lo mester ta basa riba un vision economico con nos gobierno lo desea di eleva  Oranjestad y consecuentemente Aruba den su totalidad. Despues di casi 2 aña di gobernacion PPA ta  constata un falta serio di vision riba e tereno aki.

Oranjestad nos  ‘capital’ di nos pais  y  e centro di Oranjestad esta caya Gilberto F. Betico Croes  no por keda  warda mas …mester di atencion!

Cu tur respet…..PPA ta termina e mensahe aki.

- Advertisement -

DUNA COMENTARIO

Please enter your comment!
Please enter your name here