Home Enseñanza Bijbel di Prenchi na Papiamento di Aruba lo wordo uza como material...

Bijbel di Prenchi na Papiamento di Aruba lo wordo uza como material di instruccion

16
0
SHARE
- Advertisement -

ORANJESTAD (AAN):  Minister Rudy Lampe recientemente a elabora riba e importancia di Bijbel di Prenchi na Papiamento mirando cu pa e aña escolar aki lo cuminsa cu e scol Arubano Multilingual cual ta haci Papiamento idioma di instruccion cuminsando cu e prome aña.

Lo ta bay tin mester materialnan na Papiamento incluyendo e buki mas importante cu lo bay wordo uza na e scolnan preparatorio, esta e Bijbel di Prenchi. Bijbel di Prenchi ta skirbi specialmente pa muchanan di 4 pa 7 aña pero ta gusta tambe pa hendenan di mas edad ya cu e texto ta bin cu imagennan bunita.

Bijbel di Prenchi lo wordo uza den scolnan Cristian pero tambe lo por wordo uza na scolnan publico pa motibo cu buki ta esun mas lesa y mas famoso di humanidad y ta importante pa tur hende cera conoci cu e buki aki sin importa e religion di cada hende. Mayoria di e dichonan ta di Bijbel y lo implementa esaki na e scolnan pa maestronan y e muchanan por disfruta di dje.

E buki aki, Bijbel di Prenchi, a wordo traduci den Papiamento di Aruba door di juffrouw Maduro-Schwengle y Juffrouw Luminier. E idea aki a wordo acepta pa Cas di Bijbel cu a apoya e iniciativa y hunto cu Nederlandse Bijbel Genootschap e buki por wordo presenta.

Bijbel di Prenchi ta asina gusta, cu nos hermana isla Corsow a tum’e y traduci’e den ortografia di Corsow mientras cu Aruba ta mantene su propio ortografia di Papiamento pa e buki aki como tambe den nos scolnan.

Minister Rudy Lampe ta felicita e traductornan pa cu e tremendo trabou aki y ta invita pueblo di Aruba pa bin asisti na e presentacion oficial di Bijbel di Prenchi na Biblioteca Nacional Aruba awe 4 di september di 7 pm -9:30 pm. Entrada ta completamente gratis.

- Advertisement -

DUNA COMENTARIO

Please enter your comment!
Please enter your name here