Home General CAA, Fact Team, KPA y demas instancia mester delinea un maneho pa...

CAA, Fact Team, KPA y demas instancia mester delinea un maneho pa adictonan ambulante

16
0
SHARE
- Advertisement -

Arthur Comenencia di CAA:

ORANJESTAD (AAN) – Arthur Comenencia, di Consultorio pa Asuntonan di Adiccion a duna di conoce, den entrevista cu DIARIO, cu CAA a wordo notifica despues cu Fact Team a tene un accion di acercamento na adictonan ambulatorio cu a tuma edificionan abandona pa biba.

Comenencia a relata cu por a mira cu varios di nan kier haya ayudo pa rehabilita pero algun no kier drenta mas den un centro. Tambe tin e grupo cu a cana bay.

Hopi di nan a wordo ofreci pa drenta SAMBA pa cuminza pa cuminza e tratamento y nan como team, cera cabes hunto pa delinea ken ta bay afo y ken no, of cu e profesionalnan di CAA mes por duna un man den esaki.

Comenencia a menciona cu ultimo temponan por a ripara cu tin hopi adicto nobo riba caya, pero e Centro a pone un linea cu nan ta yuda tur hende, sin ningun sorto di discriminacion.

El a comenta cu tin adictonan cu kier un cambio, pero nan no kier bay den un centro mas. Por ta nan a bishita hopi centro caba, y esaki ta e personanan cu CAA kier brinda un ayudo.

Arthur Comenencia ta considera cu adiccion ta un malesa den cual tur hende por pasa den dje, pero nos comunidad ta bezig ta etiketa e personanan aki, sin cu nan sa kico a sosode cu nan den pasado.

Pero CAA no ta papia di pasado sino di presente y kico e ta bay haci pa yuda nan. E plan cu tin aworaki ta pa nan tuma e mayoria di e clientenan di Seroe Colorado pa inventariza cual ta e casonan mas urgente cu mester bay afo.

Comenencia a indica tambe, cu nan tin un palabracion cu Polis, pa haci bishita den e centro di ciudad unda cu e adictonan por ocasiona molester den e bario.

No obstante, mirando cu algun no kier ayudo, e ta bay keda un problema. El a agrega cu el a propone cu CAA hunto cu Fact Team bin cu un maneho pa evita molester di e adictonan ambulante cu no kier wordo yuda, y nan ta delineando hunto cu Ministerio Publico pa yega na un areglo di maneho, pa no cruza e linea pa loke ta e aspecto huridico.

Sr. Comenencia ta puntra di con un adicto tin cu warda asina tanto pa haya un ayudo si por haci esaki di biaha. Diferente reunion a tuma lugar caba y Diahuebs a bolbe reuni pa sigui follow up e adictonan cu a keda sin un dak.

Nan lo sigui cu e tipo di accionnan aki, logicamente si e doño di e propiedad ta autoriza pa KPA y diferente otro instancia cu ta involucra den e plan di accion, drenta den e cas.

Comenencia a subraya cu e ayudo aki ta necesario mirando cu e edad di adiccion a baha, y cu nan mester sigui controla esnan cu ta riba caya.

- Advertisement -

DUNA COMENTARIO

Please enter your comment!
Please enter your name here