Home Deporte Campeonato 2019/2020 dedica na Mario “Mai” Figaroa kende ta un pilar pa...

Campeonato 2019/2020 dedica na Mario “Mai” Figaroa kende ta un pilar pa Deportivo Nacional

39
0
SHARE
- Advertisement -

ORANJESTAD (AAN): E di 3 persona cu Arubaanse Voetball Bond (AVB) ta dirigi e Campeonato 2019/2020 di Division Honor na dje ta Mario “Mai” Figaroa. E tin un trayecto largo den futbol y e ta cu Deportivo Nacional pa 50 aña.

Mario Figaroa ta e yiu mayor di Alberto y Petroinali Figaroa. E ta casa cu e yiu mayo di Frans Figaroa, esta Mildred Figaroa pa 48 aña. Nan tin 2 yiu cu ta Lisa y Marc Figaroa y un nieta yama Nina. Pa 44 aña el a dedica na su trabao cu Elmar.

E ta un di e fundadonan di Deportivo Nacional, cual a keda funda dia 15 di Maart 1970. Desde e momento cu a funda Deportivo Nacional Mario ta e tesorero. Den su funcion Mai ta un persona hopi streng y corecto, pero masha poco e ta haci joke. Na momeneto cu Mai a haci 60 aña, el a baha cu pension y a bira poco mas joker cu e trabao cu semper el a dedica na dje.

E ta un persona cu un tremendo memoria y semper ta corda tur su cosnan. Algo cu ta remarcabel ta cu Mai ta basta duro pa saca placa y mester tin un bon argumento pa por convence. Deportivo Nacional sigur no kier pa Mai bandona e filanan. E ta un persona hopi aprecia y keri den e organizacion di Deportivo Nacional.

- Advertisement -

DUNA COMENTARIO

Please enter your comment!
Please enter your name here