Home Deporte Campeonato dedica na Joseph “Cheppy” Ras kende a gana Copa Antiyano cu...

Campeonato dedica na Joseph “Cheppy” Ras kende a gana Copa Antiyano cu R.C.A.

31
0
SHARE
- Advertisement -

ORANJESTAD (AAN): E aña aki Arubaanse Voetbal Bond ta dedica e campeonato di futbol Division Honor 2019/2020 na Joseph “Cheppy” Ras, kende a hunga futbol pa hopi aña. El a hunga desde 1960 te cu 1964 como delantero di Lucky star di Rooi Bosal prome den B-Klasse y despues A-Klasse.

Despues di e campeonato 1963/1964 el a bay hunga p’e Tricolornan di Solito, esta R.C.A. E prome campeonato di Cheppy Ras cu R.C.A. tabata na 194/1965 y el a bira e maximo goleado di Tricolor cu cu 9 gol. El a yuda RCA titula como campeon despues di 5 aña.

Den e luna di Juni di e aña ey el a hunga den Copa Antiano cu participacion di R.C.A., e sub campeon di Aruba Tropical di Tanki Leendert, e campeon di Curaçao Scherpenheuvel y e sub campeon Jong Holland. E campeonnan RCA y Scherpenheuvel a topa otro dia 26 di Juni 1965 den un wega culminante pa mira kende lo gana of si e wega keda tabla lo tabatin un tripel empate na prome luga hunto cu Jong Holland. Den Wilhelmina Stadion cu tabata yen di fanatico, Cheppy Ras a score su prome gol na di 4 minuut y e di dos na 24 minuut. Asina aki R.C.A a bay cu e victoria y bira e prome club di Aruba cu a gana un Copa Antiano.

Dia 18 di Juli di e mesun aña, Cheppy Ras a debuta cu e seleccion di Aruba pa hunga contra Valencia FC di Venezuela. Despues dia 11 di Augustus el a hunga contra e famoso team di Arseñal di Inglatera y a score un di e dos gol di Aruba. Cheppy Ras a hunga den luna di October contra Bonaire y Curaçao.

Na aña 1966 el a forma parti di e seleccion di Antias, cual tabata forma pa hungadonan di Aruba y uno di Bonaire. Nan a gana e medaya di plata den e Weganan Centro Americano y di Caribe na San Juan, Puerto Rico. Durante e campeonato aki e seleccion di Antias a perde solamente 1 wega y tabata contra Mexico.

Cheppy Ras a bolbe bira campeon cu R.C.A. na 1968, na 1969 sub campeon y den ambos Copa Antiano. El a hunga 3 campeonato mas cu R.C.A. y a retira despues di e campeonato 1971/1972, pero a bolbe hunga un campeonato mas na 1975. El a participa den 9 campeonato cu R.C.A. den hoofdklas y a anota 32 gol.

 

- Advertisement -

DUNA COMENTARIO

Please enter your comment!
Please enter your name here