Home Hudicial Canades condena pa un maleta so carga cu riba di 10 kilo...

Canades condena pa un maleta so carga cu riba di 10 kilo di marihuana

128
0
SHARE
- Advertisement -

Hues a duna abogado mr. Illes razon 

No por conden’e pa e resto 25 kilo

ORANJESTAD (AAN) – Manera DIARIO a publica, ayera mainta Hues di Corte den Promer Instancia a dicta sentencia den e caso penal cu Ministerio Publico a cuminsa contra e homber Canades D.L.B.

Hues den su sentencia ta comparti punto di bista di abogado mr. Illes cu no por prueba cu e otro maletanan cu marihuana tambe ta di D.L.B. y cu mester castiga D.L.B. pa e maleta cu e tabatin so. Hues a baha e castigo exigi pa Fiscal di 20 luna pa 18 luna di prison.

DOS MALETA CARGA CU DROGA

D.L.B. dia 3 di Februari 2019 a purba drenta Aruba cu 35 kilo di marihuana. Miembronan di Douane a ripara comportacion sospechoso di D.L.B. y asina a bin haya 35 kilo di marihuana den dos maleta. Fiscal a exigi 20 luna di prison pa D.L.B. Abogado mr. Illes a bisa Hues cu D.L.B. ta responsabel solamente pa e 10 kilo cu e tabatin den su maleta. E otro maleta D.L.B. no por para responsabel p’e.

SENTENCIA

Ayera mainta Hues a bisa cu e ta haya legalmente proba cu D.L.B. a importa 1 maleta cu droga. Hues a bisa cu e ta comparti punto di bista di abogado mr. Illes y no ta haya proba cu D.L.B. lo a transporta e otro maletanan.

Na opinion di Hues, por bien ta cu riba orden di e tal Rally, cu ta esun cu a bisa D.L.B. hiba e droga Aruba, otronan tambe a trece marihuana.

CASTIGO

Pa cu e castigo, Hues a bisa cu e ta tene cuenta cu e seriedad di e hecho. Hues a bisa cu tur hende sa cu droga ta trece problema den sociedad y D.L.B. a contribui na esaki. Hues a bisa cu e ta tene cuenta cu e cantidad di droga cu tabatin den maleta.

Hues a bisa cu door cu no a saca afor cual maleta ta esun di D.L.B., un maleta grandi di casi 11 kilo y e otro maleta grandi di casi 12 kilo di marihuana. Un di dos e ta responsabel p’e. Hues a mustra cu segun maneho di Corte Superior, ora tin mas cu 10 kilo ta castiga 21 luna di prison.

Hues a tene cuenta cu Fiscal a exigi 20 luna pa e 35 kilo, pero awor cu ta papia di mas o menos 10 kilo, Hues a condena D.L.B. na 18 luna di prison. Hues a duna orden pa destrui tur e droga 35 kilo di marihuana y cu e cellular lo bay bek pa D.L.B.

Por a nota cu apesar di esaki, toch e acusado D.L.B. no a keda contento y tabata manera reclama serca mr. Illes. E abogado a bisa D.L.B. algun cos y a bis’e cu e lo bay serca dje na KIA pa splik’e un ke otro.

- Advertisement -

DUNA COMENTARIO

Please enter your comment!
Please enter your name here