Home Gobierno Cantidad di trahador di Warda Nos Costa lo haya screening pa aplica...

Cantidad di trahador di Warda Nos Costa lo haya screening pa aplica pa opleiding BOA

60
0
SHARE
- Advertisement -

Minister di Husticia a splica:

ORANJESTAD (AAN) –Minister di Husticia, mr. Andin Bikker, den conferencia di prensa, a referi na kico ta tumando lugar pa mehora y optimaliza e servicio di Warda Nos Costa.

E dignatario a menciona cu Departamento di Warda Nos Costa tin 38 trahador y ya caba nan a haya mas ekipo, y gobierno a zorg pa nan haya uniform nobo, algun luna pasa, y nan ta observando si lo haya uniform adicional.

Departamento di Recurso Humano ta bezig cu un “Quick Scan” door cu WNC no ta un departamento riba su mes, pero e ta un afdeling di KPA, y e intencion ta pa hacie un dienst riba su mes, y esaki e otro siman e “quick scan” lo keda cla.

E mandatario a splica cu tin un cantidad di e trahadornan cu ta bay pasa un screening aworaki, pasobra nan kier aplica pa e opleiding di Buiten Agent van Politie (BOA).

E dignatario a indica cu mara na dje tin un screening. Gobierno a introduci un “Klacht ein Commissie” cu ta posible den un ley di 2016, cu minister anterior no a laga drenta na vigor, pero mr. Bikker si ta bay hacie. E motibo ta cu, por ehemplo, ora cu tin persona deteni na KIA y cu tin cierto kehonan, e Comision aki cu tin Hueznan den dje, y inspectornan di Oficina di Husticia, etc., nan ta duna atencion na e kehonan aki wak si tin merito of no.

Como ehemplo, e mandatario a bolbe referi na e caso di e persona cu a keda ilegal na Aruba varios aña y cu e ta considera cu a insulta e personal di WNC den un entrevista via facebook, y esnan cu algun luna pasa a keha cu cu e cuminda no ta bon, siendo cu WNC tin un Catering cu ta provee nan cu alimento. Tur esaki nan ta haci, segun e mandatario, pa wak di nan ta haya meldplicht y cu no tin nodi wordo deteni.

E mandatario a agrega cu tambe tin training cu un team cu ta bin for di Hulanda, cu lo bin asisti WNC y tur e otro instancianan cu tin di haber cu tur loke tin di haber cu  control den e tema di Venezuela. Minister Bikker a informa cu lo bay moderniza e areanan di detencion di WNC, na banda di aeropuerto y na Huizen bewaren.

Minister Bikker a agrega cu Hulanda a aplica e doble model, cu ta ora cu un hende bay un pais aplica pa asilo e no por biaha bay pidi asilo tambe na otro lugar. A sosode cu un famia Venezolano a dicidi di cumpra un ticket na Aruba, pa biaha pa Hulanda, y a sali den algun medio cu WNC kier a stroba nan partida. Pero, segun e minister no tabata tin ningun tipo di strobamento, pero loke a sosode ta cu como Hulanda su frontera ta europeo, nan ta screening na bali y si e personanan aki nan biaha bay Hulanda, lo wordo manda bek. Diasabra e minister tabata tin contacto cu instancia concerni, y a resulta cu nan lo wordo laga ni den avion y a wordo nenga. Esey ta loke a tuma lugar y no cu na Aruba a purba stroba nan di subi avion.

 

 

- Advertisement -

DUNA COMENTARIO

Please enter your comment!
Please enter your name here