Home General Chavista kier libera Aruba di Hulanda

Chavista kier libera Aruba di Hulanda

746
0
SHARE
- Advertisement -

Falta di entrada di Citgo y medidanan ta choca regimen Maduro 

*Politico Venezolano ta inclui Aruba den marcha contra Merca

*Tension alarmante na Cuba y Venezuela y aumento refugiadonan

ORANJESTAD(AAN)– Diamars a cera cu un tension pisa den region despues cu den e programa “Primera Pagina”, e miembro di e Asamblea Nacional Constituyente Pedro Carreño, a papia di e posicion di e regimen Maduro enfrente e situacion cu a surgi  entre Venezuela, Colombia y Merca.

El a indica cu Venezuela ta prepara pa frontera cu Colombia pa cualkier confrontacion cu por origina. Manera ta conoci tin temor serio na Colombia, cu regimen Maduro ta alimenta terorismo na e frontera entre e Colombia y Venezuela.

E politico Venezolano no a mantene su mes na e crisis entre e dos paisnan pero ora el a lansa su atake contra Merca a mustra cu no solamente mester percura pa e libertad di Venezuela, pero mester libera Aruba y e otro islanan Hulandes di e dominio di Hulanda.

Cu e bandera di Venezuela den su man, e miembro di e partido socialista cu ta sostene Nicolas Maduro, a mustra cu “Rey” a pasa pa pasado y cu awor ta republica mundo conoce. Di e forma aki el a indica cu Venezuela mester yuda libera Aruba y e otro islanan for di Hulanda.

Den e mes contexto el a indica cu Merca ta na haltura di tur movecion riba e islanan ABC.

E declaracion den un entrevista ampliamente propaganda na publico Venezolano, ta sin duda parti di un campaña contra Merca na Venezuela cu actualmente ta acerca e culminacion di su crisis.

Placa di Citgo no ta bay mas a Maduro y tur placa di Citgo ta warda na un forma cu regimen Maduro no tin acceso mas na loke tabata su baca di lechi.

PDVSA ta na rand di desaster. E compania Chines cu tabata tuma petroleo a dicidi cu e no kier mas riesgo pa haya su mes den problema cu Merca y ta nenga di tuma azeta for di PDVSA.

E campaña contra Merca ta haya sosten di Cuba cu tambe ta den problema serio y awor a pidi yudansa di Union Europeo, cu tin hopi pais cu negoshi na Cuba. Yudansa a wordo priminti pero tambe ta aumenta tension den e region, cu ta spera cu den e situacion actual mas refugiado ta busca for di bandona Venezuela.

Ayera a cera cu un tension enorme den e region di Aruba, cu mester pone su mes na haltura di tur desaroyo cu ta menasa siguridad nacional di e pais.

DIARIO ta pendiente tur desaroyo pa informa Aruba di tur detaye. Hecho ta cu ayera a cera tambe cu Venezuela den estado di desesperacion ya cu economia di petroleo practicamente a termina.

- Advertisement -

DUNA COMENTARIO

Please enter your comment!
Please enter your name here