Home Comercio Comerciantenan Uni contento cu por a sinta cu Gobierno y stakeholders

Comerciantenan Uni contento cu por a sinta cu Gobierno y stakeholders

15
0
SHARE
- Advertisement -

Frans Ponson:

ORANJESTAD (AAN):  Frans Ponson di e grupo di Comerciantenan Uni Aruba a duna di conoce cu nan ta hopi satisfecho cu e reunion cu a tuma lugar entre gobierno y e stakeholders.

E prome dia di e reunion a papia mas tanto ariba kico a wordo haci den pasado y kico a wordo introduci caba. E dia ey a puntra Departamento di Impuesto pa adelanta algun informacion.

Departamento di Impuesto a cumpli y a presenta e grupo di comerciante un documento di mas di 100 pagina. Comerciantenan Uni Aruba a pasa door di e documento y a haci nan huiswerk pa e stakeholders meeting cu mester a tuma lugar siguientemente, a splica.

E reunion a bay bon y nan ta contento cu gobierno a invita tur e gremionan hunto pa papia ariba e topiconan. El a bay na un manera profesional y na un nivel halto, Ponson a duna di conoce.

A agrega cu awor gobierno lo mester bay sinta na mesa hunto pa scucha di tur e gremionan nan preocupacion.

Ponson a indica cu e debe di pais Aruba ta preocupante. Como comerciantenan nan sa cu e debe tey y cu tin cu saca e suma pa pagu’e di algun caminda. Esey ta un tarea dificil pa gobierno, a remarca. Gobierno lo mester bay convence pueblo con lo bay handle cu esaki, a agrega.

Parce cu esaki ta e prome biaha cu ta tene un reunion asina cu comercio y CUA ta haye hopi bon y ta spera cu gobierno sigui haci esaki ya cu for di dje ta sali hopi informacion bon vooral pa gobierno y tambe pa e gremionan, a bisa.

- Advertisement -

DUNA COMENTARIO

Please enter your comment!
Please enter your name here