Errol Sjak Shie, director Interino di DOW
ORANJESTAD (AAN): Director Interino di DIP, Errol Sjak Shie, a duna di conoce cu pa loke ta e aspecto di cumplimento y violacionnan di reglanan cu ta regarda uzo di terenonan di gobierno.
Pa mayoria di hende ta conoci cu na Aruba tin un maneho a base di e ROP cu ta na vigor desde Juli di e aña aki. E ROP ta e base di e maneho di gobierno, Sjak Shie a bisa.
E meta ta pa yega na un desaroyo sostenibel y duradero pa Aruba. Hopi biaha ta wak e implementacion di e maneho pero pa complementa e proceso pa yega na un desaroyo duradero e otro banda di medaya di implementacion di e maneho ta cu hunto cu esey mester tin tambe e parti di tira bista y controla si ta cumpli cu e reglamentonan y e leynan na vigor, el a subraya.
Banda di esaki a señala cu si e persona envolvi no ta cumpli cu e leynan, e ora no por yega na locual e vision di e maneho ta, esta un desaroyo duradero pa e isla.
Esey pa DIP kiermen cu tin un afdeling cu ta haci e trabao di tira bista y controla pa e ley y reglamentacionnan ta wordo cumpli. Tambe nan ta yega na accionnan si acaso e hendenan no ta cumpli cu e reglanan, a remarca.
Esey ta haci cu tabata tin un accion na Pos Chikito pa construccionan ilegal cu ta tuma lugar ariba tereno di gobierno. Vooral si ta toca terenonan cu tin un balor ecologico y tin di haber cu proteccion di medio ambiente, Errol Sjak Shie a indica.
