Home Policial Criminal Hulandes cu a huy di Amsterdam a bin haya su morto...

Criminal Hulandes cu a huy di Amsterdam a bin haya su morto na Curacao

1619
0
SHARE
- Advertisement -

ORANJESTAD (AAN): Un caso di asesinato na sanger frieu a keda registra na Curacao.

Na varios pais, autoridad ta confronta problema serio pa cuestion di arma di candela cu ta libremente disponible pa ken cu ta. Merca ta man di cabez pa mortonan cu a cay uno tras di otro, y tin caminda cu habitantenan hasta tin miedo pa bishita eventonan.

Hulanda no ta mucha leu tampoco.  Tin cantidad di caso e ultimo añanan na tera frieu, unda ‘reglamento di cuenta’ a bira problema serio.  Hende ta puntrando nan mes, con bini tin tantisimo arma di candela ta circula na Hulanda.

Awor autoridad ta investigando un caso na Curaçao, unda un persona cu supuestamente a ‘hit’ traficantenan… a worde likida.

Informe ta menciona cu un homber di 23 aña Surinameño/ Hulandes a worde tira mata den un auto.

Ta trata di e homber Genciel Recbel Joshua Feller, kende ta naci na Hulanda dia 3 di November 1995.

Informe policial di Curaçao ta menciona den nan rapport, cu Dialuna 2 di September pa 10’or di mainta, Central di Polis a ricibi yamada di un caso di tiramento cu a tuma lugar dilanti establecimento na Caracasbaaiweg.

Patruya di Polis cu a presenta un rato despues a topa un homber sinta den auto cu herida di bala na parti ariba na su curpa.

E homber no ta duna señal di bida mas y polis a solicita presencia di Ambulans.  Pero na yegada e paramediconan, por a haci nada mas pa e victima. Polisnan a observa cu e auto na ambos banda ta perfora cu bala. Docter di Polis tambe acudi na e lugar y el a constata morto di Genciel Recbel Joshua Feller.  E ta conoci door di periodistanan Hulandes como “Genna”, y a wordo describi den media como un “criminal di Amsterdam”.

Segun informe adicional, ni un luna pasa na Hulanda caba nan a tira riba Genna.  Esey debi cu el a haci algo cu un cargamento grandi di droga.  For di e dia ey e ta wordo persigui pa e doñonan di e droga.  E tabata biba na Almere y dia 4 di Augustus den oranan di madruga nan a tira riba dje net ora cu e tabata cu un amiga den auto.  Genna tabata activo den mundo baho di droga na Bijlmer, y e ta wordo sospecha di a horta e cargamento grandi di cocaina.

Esey ta e motibo pakico Genna a huy for di Hulanda, y a escoge Curaçao pa bay sconde.  Sinembargo ta parce cu e no a sconde bon, pasobra su enemigonan a sigui su rastro y mate na e isla.  Claramente ta indica aki cu ta un “reglamento di cuenta”.

Dialuna mainta, Genna tabata sinta den un Hyundai Accent color blanco cu number A 13-49 staciona dilanti negoshinan den Caracasbaaiweg.  Un dama na stuur a baha pa bay haci respondi den negoshi, ora cu diripiente dos homber a cana yega na e auto, y a cuminza los tiro sin stop riba dje.  Genna den e auto no a haya chens pa ni reacciona, y a fayece instantaneamente.

Despues di esey e dos hombernan a move y desaparece instantaneamente.  Ora e muher a sali bek, el a bin topa cu e auto tur perfora cu bala y cu e homber Genna morto.  E dama a cuminza yora di tristeza, net ora cu Polis a yega.

Autoridadnan halto a wordo notifica, y Fiscal a confisca e curpa, y tambe e Hyundai Accent.

E corant  Hulandes “Het Parool” a menciona cu Genna Feller y otro nan a hit cantidad grandi di cocaina, cual  balor ta core den miyones di Euro. Informe di Curaçao ta mustra cu nan ta tene cuenta cu esey, y cu e caso tin pleno atencion di cuerpo investigador Curasoleño.  Nan a notifica polis na Hulanda tocante di e suceso fatal cu morto.

Interesante ta cu tin evidencia capta pa Camera di Seguridad di e hit aki na Curacao.  Si enberdad  tin delaster movecion capta, esnan cu a yega cerca nan lo ta e promenan cu autoridad lo pone man riba nan prome pa saca afo si ta trata di “hitman” local of ta esnan cu a bin di exterior, y cu kizas ya a bandona e isla.

E caso grandi aki ta uno serio lo por tin cabez ta cay.

- Advertisement -

DUNA COMENTARIO

Please enter your comment!
Please enter your name here