Home Politica Cu ta defende RdA contra compania di su propio ruman

Cu ta defende RdA contra compania di su propio ruman

80
0
SHARE
- Advertisement -

Pueblo kier claridad riba oficina di papa

Lider di fraccion Marlon Sneek

ORANJESTAD (AAN): Fraccion di AVP a dirigi varios pregunta na gobierno relaciona cu RdA pero lider di fraccion di AVP, sr Marlon Sneek ta mustra cu e preguntanan aki no a wordo contesta atrobe pero ta algo cu a bin ta pasando cu gabinete Wever Croes pa algun tempo caba, esta ministernan no ta contesta preguntanan di miembronan di Parlamento.

Sr Sneek a mustra cu di otro banda fraccion di AVP ta contento cu comunidad tambe a cuminsa reacciona y tanto via postbusnan di e-mail y esun di cas ta sigui yena cu documentonan, caminda entre otro a yega e informacion cu mesun abogado di RdA, di Elmar cu ta companianan estatal cu ta resorta bou di Prome Minister, ta su mesun bufete di Prome Minister.
“Aki nos tin cu corda cu bufete Croes-Wever-Tjon, aworaki Croes-Ruiz, ta un bufete di cual Prome Minister ta shareholder, pues na momento cu e bufete aki ta ganando placa, e Minister Presidente tambe ta ganando placa.

Esaki pa nos no ta un señal integro ya cu esaki ta e Prome Minister cu a papia di Bureau van Integriteit, kico ta integridad y cu su gobierno ta un gobierno transparente, un gobierno integro y awor cu nos a haci pregunta, nos no ta haya contesta.

Loke nos por a scucha ta cu den e caso di companianan estatal, e mesun RdA tin un disputa c’un pompstation na Savaneta caminda e compania aki su abogado ta mesun abogado di RDA y nos ta puntra nos mes ta ki forma di integridad esaki ta?

Minister Presidente mester por corda e tempo cu el a bisa cu integridad ta ora bo haci lo corecto, hasta ora ningun hende ta mira’ y awe un biaha mas, cada bes nos ta gara mesun grupo aki den cosnan cu sigur no ta integro.

Pa nos esaki ta di lamenta caminda tambe nos a haya informcion cu Elmar tabatin mesun bufete aki pa tres luna largo ta campa di 8 pa 4 p’asina nan por busca informcion con nan por kita e director di e compania aki y riba e topico.

Aki tambe nos a manda pregunta, cuanto esaki a costa pero te dia di awe Prome Minister no por contesta preguntanan aki y nos ta sigur cu nos lo bay tende cu e no ta duna contesta ya cu ta un compania estatal y di un compania estatal no tin mag di saca informacion.

Sinembargo ora cu mester a tira lodo riba un contrincante politico e ora si compania estatal por a saca tur informacion, saca tur documento pero awe cu ta trata su persona, cu ta trata bufete di su tata, nos no por haya informacion.

Pa nos esaki sigur ta condenabel ya cu bo no por ta abogado den e caso aki di RdA y den mesun rosea bo ta fungi como abogado di e contra partido y e ora ta lanta e pregunta ta kende bo ta bay sirbi, ken bo ta bay defende.

Bo ta bay defende RdA of bo ta bay defende bo ruman homber cu bo ta representa den e caso di e pompstation na Savaneta?

Pa AVP esaki sigur no ta algo aceptabel y pesey nos a trec’e dilanti y nos ta bay keda trec’e te dia cu nos haya contesta ya cu e preguntanan aki cu fraccion di AVP ta dirigi na gobierno, pa 99% ta preguntanan cu comunidad ta pidi nos pa haci ya cu nos ta haya e preguntanan aki manda tanto den mail como den cartanan riba informacionnan cu nan ta mira ta coriendo rond y pueblo kier claridad riba esakinan y nos ta mira cu gobierno aki no ta transparente,” Parlamentario Marlon Sneek a declara.

 

- Advertisement -

DUNA COMENTARIO

Please enter your comment!
Please enter your name here