Home Policial Cuerpo di Polis cu control stricto den trafico e siman aki

Cuerpo di Polis cu control stricto den trafico e siman aki

213
0
SHARE
- Advertisement -

Wak pa bo tin tur papel na ordo y un rijbewijs valido

*Cantidad di multa y detencion ta tumando lugar

ORANJESTAD (AAN):  Polis di Bario di Oranjestad a cuminza pone na vigor nan proyecto di control ariba trafico.

E proyecto aki a wordo hinca den otro y a inicia cun’e dialuna conhuntamente cu Aruparking, Vocero di Cuerpo di Polis, Liliana Rasmijn a indica.

E dia aki a reparti 45 multa. Tabata tin un detencion a base di core sin rijbewijs y 7 auto a wordo getakel.

A bisa cu den e dianan aki ta controlando tur papel y sin bin algo extra tambe ta wordo duna boet ariba esaki.

Diamars e controlnan a sigui y esey a sosode na Camacuri unda cu a reparti 64 multa, 6 auto a wordo getakel cu 3 detencion unda tabata tin un ilegal y dos persona cu tabata core sin rijbewijs.

Rasmijn a enfatiza cu hopi biaha e hendenan no ta realiza cu nan tin cu core cu nan rijbewijs. Un bes cu nan no por mustra cu nan tin un rijbewijs valido cu nan, nan ta wordo deteni, nan auto ta wordo getakel y esey ta nifica hopi mas gasto.

Pa loke ta diaranzon, nan e controlnan a inicia 6or di mainta banda di waf. Loke a resalta tabata coremento cu celular den man. Hopi accidente unda auto ta dal otro patras ta door di uzo di celular, a remarca.

E controlnan lo keda te diabierna. E orario por varia. E por ta mainta, atardi of anochi.

Cuerpo di Polis ta pidi pa wak pa tin tur papel na ordo y pa tin un rijbewijs valido. Segun Liliana Rasmijn nan ta tene e control aki pa e seguridad den trafico y pa prevencion.

Maske cu bo tin un rijbewijs pero bo a lague na cas, bo lo wordo deteni. Ley ta bisa cu e chofer mester tin e rijbewijs hunto cune den auto, den su cartera, a enfatiza. 

UZO DI CELULAR

Vocero di Polis a laga sa cu nan a anuncia di e ley aki tocante e uzo di celular mientras ta stuur. Esaki a wordo anuncia tempran prome cu a drenta na vigor pa asina tur hende por ta na altura.

A bisa e consecuencianan y hasta hende sa cuanto e boet ta. “Si ta asina urgente, djis para un banda, contesta y despues bo ta sigui trankil. Si mester di un yamada hands free, e autonan awendia tin tur tipo di artefacto cu bo por pone pa haci bo bida mas facil”.

E ciudadano mester ta mas conciente pa loke ta e celular den man, a bisa

PAPELNAN CU TA WORDO CONTROLA

-Keuringskaart

-Seguro valido

– Number di auto paga

– Rijbewijs valido

- Advertisement -

DUNA COMENTARIO

Please enter your comment!
Please enter your name here