Home Salud Departamento di Higiena a bay controla supermercado funcionando cu generator

Departamento di Higiena a bay controla supermercado funcionando cu generator

51
0
SHARE
- Advertisement -

Productonan a wordo tuma den beslag

ORANJESTAD (AAN):  Departamento di Higiena a bin constata durante nan control un supermercado cu tabata trahando riba generator. Relaciona cu esaki, Yvette Geerman di DVG a bisa cu nan a haya un melding tocante un supermercado ubica den area di San Nicolas cu ta bende carni cu no ta apto mas pa consumo.

E ora ey, DVG conhuntamente cu Veterinarie Dienst pa haci un inspeccion na e localidad y a constata cu tabata tin carni y cuminda frieu manera seafood cu no ta apto pa consumo.

A tuma e productonan den beslag y nan a wordo hiba dump. Pa su mañan nan a bolbe bay haci un inspeccion mirando cu tin cooler eynan cu tin productonan frieu. A constata atrobe cu tin productonan den cooler manera lechi y otro productonan cu no ta carni, cu no tabata apto mas pa consumo humano.

Tambe a haya sa cu e supermercado ta haci uso di un generator y pesey ta keda monitoria e situacion pa wak si tin mas productonan cu no ta apto pa consumo humano pa nan no wordo bendi na publico, Geerman a indica.

Departamento di Salud a aprecia cu e melding a drenta y cu comunidad ta atento ariba e situacion y lo keda monotoria y inspecciona locual ta supermercadonan. Na momento cu constata cosnan cu no ta na su lugar, lo tuma beslag y lo deshaci di nan.

Version di e doño di e supermercado ta cu coriente a bay y e mester a uza generator. DVG ta bezig ta wak si en berdad ta asina of si e generator ta wordo uza permamentemente, Yvette Geerman a remarca.

Tur cuminza cu ta frozen mester ta almacena bao di cero grado, locual cu ta frieu mester ta 5 grado. E gradonan ta keda hunga un rol. Pesey DVG ta keda haci inspeccion pa constata con e temperaturanan ta. Esey ta un regla.

 

- Advertisement -

DUNA COMENTARIO

Please enter your comment!
Please enter your name here