Home Impuesto DIMP kier pa tur 42 mil Aangiftebiljet drenta bek prome cu 2...

DIMP kier pa tur 42 mil Aangiftebiljet drenta bek prome cu 2 di December

410
0
SHARE
- Advertisement -

ORANJESTAD (AAN): E fecha original pa tur Aangiftebiljet di Belasting mester ta aden dia 2 di September 2019.  Sinembargo automaticamente DIMP a duna prolongacion di tres luna, esey nifica cu e fecha di Dialuna 2 di December 2019.

Normalmente ley mes ta indica cu DIMP por duna 2 luna extra di tempo pa completa e declaracion di Aangiftebiljet.  Pero di experiencia DIMP a bin nota cu mayoria cliente no ta keda cla pa yena e documento, debi cu tin tardanza pa haya documentonan di Banco y otro instancia.

Pesey DIMP ta compronde cu e ‘2 luna extra’ no ta suficiente, y awor ta duna 3 luna extra pa keda cla cu e Aangiftebiljet.  E ta un gran yudanza pa e.o. comerciantenan cu ainda falta documentona pa keda cla cu nan cuenta anual.  Asina ta haya mas tempo.

Esey nifica cu e fecha definitivo lo bira 2 di December venidero.

E ta un declaracion importante, pasobra haciendo e declaracion aki, abo como ciudadano ta duna e Inspector di Impuesto conoce kico tabata bo entrada durante di aña 2018.  Alavez bo ta haci uso di bo derecho pa declara e gastonan cu ta fiscalmente deducible.  Esey ta unico manera, pasobra e.o. si un hende ta wardando placa bek (‘restitucion’), e unico manera pa haya placa bek ta pa haci declaracion di Inkomstenbelasting.

Si bo keda sin entrega e Aangiftebiljet aki, e ora Inspector di Impuesto lo ‘calcula’ un entrada pa e persona.  E Inspector no tin mucho informacion, pues lo no bay tene cuenta cu e gastonan di e persona, ni pago di hipoteca, etc.  E ta haci calculo y ta saca un cobranza.

E cobranza lo sali tambe cu un multa, cu ta 5% di e suma di impuesto cu e cliente mester paga (multa ta minimo 250 Florin y maximo 10.000 Florin).

Pesey bo por evita di haya e taxatieve aanslag!  Djis bo tin di yena e Aangiftebiljet y cla bo ta.

Corda cu unavez bo ta registra pa yena Inkomstenbelasting, bo tin deber di yena e informacion y entrega esaki.  Asina so bo por informa e Inspector di Impuesto, kico tabata bo entrada den e aña cu a pasa.  Di e forma ey bo ta evita multa cu lo por bin acerca.

Den un entrevista cu Meverly Romano di DIMP, el a confirma cu nan tin un fecha nobo pa entrega e Aangiftebiljet aki, pues 3 luna extra.  Y corda cu 2 di December ta ultimo fecha, y lo no tin extension mas.

DIMP ta spera cu tur 42.000 formulario di Aangiftebiljet drenta bek prome cu 2 di December.  Romano a splica cu esaki ta un cantidad grandi, confirmando cu cada aña tin mas hende ta registra pa Inkomstenbelasting ta aumentando.  Nan ta mirando cu pronto nan lo ta yegando 45.000 formulario.

E aumento aki nifica tambe extra trabao pa personal di DIMP, y como cu e no ta digital ainda, e ta rekeri un preparacion grandi su tras.

Si acaso bo no a haya bo Aangiftebiljet, acudi mesora na DIMP pa haya un duplicado, pasobra bo no por keda sin yena y entrega.

 

- Advertisement -

DUNA COMENTARIO

Please enter your comment!
Please enter your name here