Home Hudicial Dos ruman cu tabata bende kabel di koper horta di NV Elmar...

Dos ruman cu tabata bende kabel di koper horta di NV Elmar condena na paga riba 15 mil Florin

1004
0
SHARE
- Advertisement -

Abogado a critica Fiscal di no persigui e compania cu tabata cumpra koper

ORANJESTAD (AAN): E rumannan M.B. y A.B. a haya castigo di trabao pa comunidad pa tabata bende un cantidad di kabel di koper horta di NV Elmar.

Abogado di NV Elmar, mr. Steward a reclama den Corte pakico Fiscal no a persigui e compania Daltra cu ta e compania cu tabata cumpra e kabelnan di koper for di e dos rumannan.

Fiscal a rechaza e demanda di daño di NV Elmar cu ta mas cu 15 mil Florin pero Hues a mustra cu segun sentencia di Corte Supremo por pone e dos rumannan responsabel y a aproba e demanda di daño.

ACUSACIONNAN:

Recien tratamento di e caso aki a tuma lugar y tabata interesante pa scucha con tabata ranca kabelnan for di palo di luz y na dado momento hasta a causa blackout.

Fiscal a acusa e dos rumannan di tabata horta kabel di koper di Elmar entre 1 April 2019 y 19 Juni 2019.

   HORTA KABELNAN KOPER:

Hues a mustra cu M.B. a declara cu su ruman A.B. tabata trece kabelnan y M.B. tabata yuda pa bende esakinan. Den Corte A.B. a bisa cu e tabata kita rubber for di e kabelnan. E tabata desmenti tur cos. Despues el a bisa cu e tabata haya kabelnan horta y e tabata bende esakinan cu un compania.

Segun M.B., e no tabata sa cu e kabelnan tabata horta. Ta asina cu NV Elmar a reconoce e kabelnan cu e compania tabata cumpra cu ta nan kabel.

   DEMANDA DI ELMAR:

Abogado di Elmar, mr. Steward a mustra cu en total mas cu 5 mil Florin e compania Daltra a duna e dos rumannan pa e kabelnan horta. E abogado a bisa cu Daltra tabata paga 6 Florin pa kilo. E koper aki ta di Elmar.

M.B. a entrega mas cu 500 kilo y A.B. 300 kilo. Elmar ta pagando 17 Florin pa kilo. Elmar ta demanda mas cu 15 mil Florin. E abogado a reclama den Corte, pakico Fiscal no a persigui e compania Daltra cu tabata cumpra e koper.

   FISCAL:

Fiscal ta haya legalmente proba e parti subsidiario di e acusacion. El a bisa cu e rumannan ta mustra riba otro di lo sa cu ta horta. Pesey Fiscal ta haya nan culpable di incubrimento. Fiscal a remarca cu for di investigacion ta papia di koper pero no ta papia di cantidad di kabel y no por bisa cu ta di NV Elmar. Si tin un cantidad di kabel cu ta procedente di NV Elmar.

Segun Fiscal, for di investigacion por papia di Juni 2019 cu e kabelnan ta di Elmar. Esnan promer no tin siguranza cu ta kabelnan di NV Elmar. Pa cu castigo, Fiscal a bisa cu ta persigui nan pa Juni 2019 cu a horta kabelnan di NV Elmar. El a bisa cu M.B. a keda 20 dia sera.

Fiscal a exigi esey como castigo y 140 ora di trabao y si no traha 70 dia sera. A.B. a keda 15 dia sera y Fiscal a exigi esey como castigo mas 150 ora di trabao of 75 dia sera. Esey ta nifica cu ningun lo mester bay sera si nan cumpli cu e trabao pa comunidad.

Fiscal a splica Hues cu ta fastioso pa Elmar pa cu e demanda di daño pasobro no tin prueba cu nan a horta kabelnan di Elmar. Ta solamente e saco cu a haya na Juni 2019 por bisa. E ta haya cu mester rechaza e demanda.

Abogado di Elmar a cuestiona e punto di bista di Fiscal. E ta haya cu ta masha simpel calculacion. E abogado a bisa cu e rumannan tabata ranca kabelnan for di palo y causa blackout. E ta haya cu ta mustra bon cla cu ta kabelnan di NV Elmar.

   SENTENCIA:

Hues a sera tratamento di e caso y a dicta sentencia di biaha. Hues a bisa cu A.B. a bisa cu el a haya kabelnan horta y a kima e rubber. Hues a bisa cu tur ta mustra riba otro di a horta.

Pesey ta declara nan liber di a horta. Hues ta haya M.B. y A.B. culpable di incubrimento pa un periodo mas largo cu Fiscal ta haya. M.B. a bisa cu ta A.B. ta trece e kabelnan y cu e ta horta kabelnan for di palonan di luz y ta causa black out. Hues ta haya cu mester tin mas hende envolvi. Hues ta di opinion cu no ta importante kende tabata horta of kende tabata usa kabelnan pa bende. Hues a confirma exigencia di Fiscal pa cu e castigo.

Pa loke ta e demanda di daño di NV Elmar, Hues a mustra cu tin sentencia di Corte Supremo cu ta mustra cu den casonan asina, por pone esnan cu a horta responsabel pa e kabelnan horta.

Hues ta haya cu ta logico cu e kabelnan ta di NV Elmar cu ta e compania encarga cu suministro di Corte. Hues a aproba e demanda di NV Elmar cu ta mas cu 15 mil Florin di daño cu e rumannan lo mester bay paga.

- Advertisement -

DUNA COMENTARIO

Please enter your comment!
Please enter your name here