Home Labor DPL lo muda pa Engelandstraat den e mesun edificio di Enseñansa Pa Empleo 

DPL lo muda pa Engelandstraat den e mesun edificio di Enseñansa Pa Empleo 

44
0
SHARE
- Advertisement -

ORANJESTAD (AAN): Segun Lionel Croes, Departamento di DPL ta den fase di crecimento y pa mehora e calidad di nan servicio, ta oportuno pa nan cambia di localidad.

Esey kiermeen cu awor DPL ta bay muda for di nan edificio di APFA na Sero Blanco.  DPL awor ta bay muda pa e edificio conoci di Enseñansa pa Empleo na Engelandstraat.  Pero DPL ta preparando tambe pa habri un sucursal na San Nicolas.

DIARIO a compronde cu ya caba DPL a stop di duna servicio na Sero Blanco den edificio di APFA.

E plan ta pa entrante Diamars 1 October 2019, cu nan lo cuminza traha na edificio di Enseñansa pa Empleo den Engelandstraat, net banda di DIARIO.

DPL ta pasando den e fase di reorganizacion, unda cu un estudio a indica cu nan kier yega mas cerca di pueblo.  Considerando e hecho cu di San Nicolas tambe tin hopi buscado di trabao cu ta yega pa check un empleo, lo ta na su lugar pa duna pueblo di Pariba tambe un punto mas cerca pa yega na DPL.

Vocero Lionel Croes a bisa cu den Engelandstraat nan lo tin un espacio mas grandi, unda automaticamente lo hiba un servicio mas optimal como tambe profesional na tur buscado di trabao.  Tin espacio priva tambe pa conecta cu e clientenan.

E ta cumpli cu e mision y vision di Ministro Glenbert Croes cu ta apoya DPL den e fase aki.

Pues e dianan aki DPL no ta atende publico, como cu nan ta mudando.  Tur trahador ta yudando den esey, pa asina aki algun dia nan lo habri bek.

DPL tambe ta awor mas cerca di e area Hotelero, net patras di Ling & Sons.  Y pesey tambe ora cu nan habri nan sucursal den B v/d. Veen Zeppenfeldtstraat.  Tin algun parti tecnico cu falta ainda, e.o. instalacion di coriente y tambe internet y telefon.

Pa e parti di San Nicolas si ainda nan no por divulga mucho di e ubicacion.  Pero hecho si ta cu tin trabao andando caba eynan pa asina pronto divulga e sucursal nobo ey pariba di brug.

Segun Croes, DPL ta un Departamento cu semper lo kere den nos hendenan y e poder laboral, y sigur ora bo educa bo mes, bo lo haya un mihor trabao.  DPL ta mustra cu esnan cu ta bibando aki permanentemente, y nos yiunan di tera semper ta bin na prome lugar pa haya trabao.  Esey ta e mision y vision di Ministro tambe.

DPL a introduci recien un servicio nobo pa duna mihor contacto digital cu publico, y cu e idea pa pronto bo por hasta mira ki cupo di trabao ta habri, pa asina bo aplica online.  Asina lo start e proceso.

 

- Advertisement -

DUNA COMENTARIO

Please enter your comment!
Please enter your name here