Home Gobierno E gobierno actual a yuda MetaCorp yega na nan tereno pa construi...

E gobierno actual a yuda MetaCorp yega na nan tereno pa construi un cinema ariba Ave. Nelson Oduber

571
0
SHARE
- Advertisement -

Otmar Oduber ta reacciona riba ponencianan di e compania

ORANJESTAD (AAN):  Minister Otmar Oduber diamars atardi a convoca un rueda di prensa pa asina por a reacciona ariba un carta cu a sali for di e compania MetaCorp dirigi na su empleadonan y subsidiarionan.

E mandatario a expresa cu el a tuma nota di e carta aki via medionan di comunicacion. “Un carta cu naturalmente ta straña mi bastante y sorpresa mi hopi mes. Dicon? Pasobra na prome lugar, mi tin cu bisa cu durante e ultimo aña y mey aki na un forma continuo nos e delibera cu e grupo di Meta, por lo menos un 7 pa 8 reunion cu a tuma lugar den e mesun camber aki. Mi tabata tin e directornan, secretarionan, accionistanan cu tambe a reuni cu mi persona”.

Minister Oduber a bisa cu tur esaki a cuminza na inicio di 2018 ora cu e compania tabata confronta problemanan hopi serio cu e gobierno anterior caminda cu a bay den corte pa motibonan cu no tabata hayando e tereno cu nan tabata busca pa nan compleho nobo di cine na Aruba.

Despues di casi dos aña den corte, a base di cierto combersacionnan cu a bin na cierto momento a otorga y e gobierno actual a para e caso den corte y a otorga un tereno bastante ariba Avenida Nelson Orlando Oduber na Meta Corporation. Asina a stop e bataya cu tabata tin cu gobierno anterior, a indica.

Pesey e mandatario a bisa cu e no ta compronde pakico e compania ta bisa cu e no kier pa nan celebra 100 aña siendo cu ta e gobierno aki a yuda pa nan por a haya un tereno di pueblo pa nan por ta construyendo na e momento aki y pa por celebra nan 100 aña.

Otro punto cu Minister Oduber a trece dilanti ta e echo cu e cinema na San Nicolas no tin lugar pa parkeer y pa e motibo ey, segun ley, no por tin actividad comercial segun e situacion menciona.

“Mi persona a duna un exoneracion netamente na MetaCorp, un biaha mas pa por a haci posibel pa habri e cine na San Nicolas, netamente pa e respet grandi cu mi tin den e caso aki pa e  actividadnan cu famia De Veer y MetaCorp a bin ta hacie, manera nan ta bisa, casi 100 aña, cu nan trabaonan sublime (…)”, Oduber a expresa.

E no ta compronde pakico e compania a skirbi un carta caminda tres biaha den e carta nan ta pone su nomber como sifuera cu e mandatario no kier pa nan celebra 100 aña como MetaCorp.

 

 

 

- Advertisement -

DUNA COMENTARIO

Please enter your comment!
Please enter your name here