Home Salud E posibilidad cu Hospital por bay tin 60 cama menos, no ta...

E posibilidad cu Hospital por bay tin 60 cama menos, no ta aceptable

36
0
SHARE
- Advertisement -

Director Medico di Hospital:

ORANJESTAD(AAN): Director Medico di Hospital Ezzard Cilié ta contento cu e parti mas largo di construccion na Hospital ta casi cabando.

Esaki el a bisa durante un conferencia di prensa Diahuebs mainta na Hospital.

El a bisa tambe cu e ta calcula cu mas o menos otro aña rond October/November tur cos ta bay keda full cla.

“Nos ta pendiente si di locual esun cu ta hasi e construccion determina, pasobra nan por bisa tambe cu e construccion lo tarda un tiki mas”.

“Sinembargo, nos speranza ta pa tur cos keda cla den e di 3 of 4 cuartal di otro aña”.

Esaki segun Cilié, kende a indica cu riba nivel di Gobierno a wordo palabra si cu no ta bay bin mas gasto pa Gobierno.

“Bo ta planifica, pero bo no sa kico mas por bin na caminda”.

“Por ehempel tin un cos andando cu ta biba akinan y ta bon pa compronde cu hospital alrededor di 1 aña y mey pasa, mester a entrega 30 cama”.

“Esaki ora cu nos a pasa bay na e edificio nobo”.

“Mi capacidad di Hospital pues a baha cu 30 cama y awor ora cu mester pasa pa e bieu pa bay na e nobo pa bay construi eynan, mi ta bay perde 30 cama mas”.

“Esey kiermen cu Hospital na tur ta bay perde 60 pa 65 cama y nos no por perde esey”.

“E culpa ta wordo poni den nos scochi, pasobra nos mester a bisa cu nos ta bay perde cama”.

“Sinembargo, ora cu nos a ripara tabata comienzo di aña y na ningun momento a wordo indica na nos cu esey ta bay ta e caso”.

Esaki segun e director medico di Hospital, kende a indica cu e specialistanan a coopera cune, apesar di tin 30 cama menos.

“Tur dia tin discusion riba si tin suficiente cama pa pasa di anochi pa marduga y ora cu no tin, nos ta haya nos mes obliga pa manda pashentnan cas, pa tin lugar por si acaso un hende di emergencia bin”.

Esaki segun Cilié, kende a indica cu specialistanan a enfatiza cu no por ta asina cu Hospital ta bay perde un biaha mas 30 of mas cama.

“Nos a hiba e informacion aki pa Minister y el a rabia cu nos, pasobra nos no a hiba e informacion aki pe prome”.

“Sinembargo, nos no ta esun cu ta construi, pues ta nan mester a indica na nos cu door di e construccion na dado momento Hospital ta bay tin 60 cama menos”.

“Nos populacion no por deal cu 60 cama menos, pues mester busca un solucion”, segun Cilié, kende a indica cu un opcion ta pa construi unidadnan mobil pa pone camanan eyden.

El a indica cu despues di reuni cu e Minister, lo tin mas informacion riba kico ta bay ta e solucion.

- Advertisement -

DUNA COMENTARIO

Please enter your comment!
Please enter your name here