ORANJESTAD (AAN): Pensamento di hopi hende, ta cu kizas Aruba Ports Authority tin di bay actua riba corto plazo relaciona cu e ruina di barco “Baboe” cu ta benta den e area cu nos bieunan tabata yama ‘Santana di Taray’, net un tiki panort di Fisherman’s Huts.
E resto di e barco Baboe aki, hasta a bira un sorto di atraccion pa bastante aña riba e highway pa Malmok.
Sinembargo e y yobida recien combina cu lama bruto, a trece cune un cambio drastico y peligroso debi cu un parti dilanti di Baboe a bay perdi mientras recien parti grandi a aleha for di otro door di coriente di laman y olanan cu tabata suta.
Consecuentemente, e resto di Baboe ta forma peliger! Aunke e ta den un area conoci como ‘Santana di Taray’ y cu masha poco boto ta tribi di pasa den e parti seco ey, kizas toch tin di bay pone luz, sino pone marcanan pa seguridad, pa evita cualkier desgracia lo por tuma lugar.
Riba combinacion di e potretnan saca ta ilustra con den corto tempo e restonan di e boto Baboe ta parti for di otro.
Mester bisa cu e tabata un atraccion na Malmok, bastante ciudadanonan y bishitantenan a saca potret di “Baboe”, y hasta na 2016, e artista Bordalo II a bin for di Spaña, y el a crea un obra di arte di pelicano riba dje, como parti di e siman di Aruba Art Fair. Pero ni dos siman despues, restonan di Horcan Mathew a produci olanan bruto cu a destrui tur e obra di arte.
Awor, hopi lo keda babuca con Baboe poco-poco ta desintegrando for di otro.
