Home Deporte Eagles ta bounce bek pa elimina Lady Blue Marlins

Eagles ta bounce bek pa elimina Lady Blue Marlins

28
0
SHARE
- Advertisement -

ORANJESTAD (AAN) – Campeonato U17 fast pitch femenino di Aruba Softball Bond  a continua riba canchanan na Pos Chiquito. E fuerte equipo invicto Eagles  di San Nicolas a enfrenta e equipo Lady Blue Marlins di Noord kendenan a debuta nan promer aña den campeonato. Mester bisa tin hopi talent den ambos organisacion y ta cuestion di keda desaroyonan pa e next level.

Lady Blue Marlins a inicia a anota 3 careda den promer inning pero mesora den bom di mesun inning Eagles ta empata.Lady Blue Marlis demostrando actitud a bolbe rally pa 3 careda mas den cabes di 2 inning.

Eagles ta reaciona serando di dos inning cu 6 careda pa tuma ventaha 9-6. Lady Blue Marlins ta jega serca 9-7 pero den bom di 4 inning cu pitcher dunando señal di cansancio y sin relevo Eagles ta habri e wega anotando 9 careda mas. Boxscore final Eagles 22 careda, 10 hit, 7 error y ta laga 4 coredor na base.

Lady Blue Marlins 7 careda, 6 hit, 6 error y ta laga 9 coredor den circulacion.  Mihor bateadornan pa Eagles ta Asmilayne Maduro di 4-3 incluyendo un triple mas un cuadrangular bañando e rightfielder por completo empuhando 3 careda y anotando 4 careda y por mira atras riba un tremendo performance, Yee Mei Cheong 3-3 cu un triple empuhando 3 careda anotando 4 careda y ta roba 4 base y pues un performance excelente, Myah Thompson 2-2 cu 4 careda impuha mas 3 careda anota mas un triple, Jalliyah Versprey 2-1, y Destiny Johnson di 3-1.

Pa Lady Blue Marlins a destaca na bate Angelle Thode, Carolina Kelly y Quioshamea Simon tur a bay di  3-1, Ilajay Tromp a bay di 2-1 cu 2 rbi mas 1 careda anota incluyendo un triple, Maryllaine Ignacio a bay di 3-2. Dyanisha Illidge a drenta releva Xiorcaniyx Vargas Jimenez y a lansa 13 bola, 11 strike pa un total di 24 pitch permitiendo 2 careda tras di 1 hit y ta regala 1 base por bola pa pone e victoria riba su nomber.

Yee Mei Cheong ta lansa 2 inning permitiendo 1 hit propinando 4 strike out y ta permiti 1 careda pa haña e wega salba riba su nomber. Awe Diahuebs 26 di 7 pm playoff final lo inicia den categoria U17 Eagles vs Rockets promer wega di e serie di best out of 3.

Diasabra 28 September pa 3’or pm lo hunga e di dos wega di e seri aki. Diahuebs 26 September 8.45pm den categoria AA Eagles vs Rockets. Diabierna 27 September pa 7 pm den categoria AA Jaguars Vitamin Water vs Rockets y pa 830pm Aruba Bank Lady Tigers vs Eagles.

Diasabra 28 September pa 5 pm den categoria AA Rockets vs Aruba Bank Lady Tigers. Softball fast pitch femenino den pleno accion desde awe diahuebs enadelante.

 

 

- Advertisement -

DUNA COMENTARIO

Please enter your comment!
Please enter your name here