Home General Edward Maduro di SADA ta convenci cu e persecusion contra dje ta...

Edward Maduro di SADA ta convenci cu e persecusion contra dje ta obvio

17
0
SHARE
- Advertisement -

ORANJESTAD (AAN) – E lider sindical di SADA (Sindicato di Aduana) Edward Maduro a amplia den conference di prensa, tocante su suspension.

E ta haya cu si e director a haci su trabao manera mester ta, y tambe Minister di Finanzas nan lo por a wak riba pagina di Facebook di e minister mes, cu dia 19 di Juli SADA tabata den reunion largo cu e mandatario y despues di esey tabata tin un momento cu a reconoce 4 hubilario cu a cumpli 40 aña den servicio.

E sindicato a bandona e edificio di Cocolishi pa casi 3:30’or. Pues practicamente e dia ey, sr. Maduro no a traha. E ta bolbe puntra con e director ta bisa cu e tabata deha den su trabao, siendo cu e no tabata na trabao mes na Barcadera.  E tabata henter dia na Oficina di Cocolishi na Playa.  Anto e ta culpable cu loke a pasa cu e arma na Barcadera?

Maduro a agrega cu esaki ta pasa ora cu pa mas di un aña nan ta pidiendo e minister di finanzas, pa duna nan un term beschikking pa asina nan no mengua un funcion den otro, pasobra nan trabao ta hopi intenso, y e mes no ta mucho tempo den su trabao pasobra e ta dedica na e sindicato, pero nunca nan a haya oido di e minister manera otro sindicatonan si ta conta cu e cooperacion di nan dienst y nan minister pa asina nan por dedica na sindicato, cu no ta un trabao facil sino cu ta exigi hopi.

Maduro ta asocia su suspencion cu un rueda di prensa cu SADA tabata tin, unda nan a denuncia actonan no integra, tanto di e director como di DRH, cu a nombra un colega di Aduana, sin estudionan den un rango di Inspector, y esaki sigur a causa hopi conmocion den gobierno pasobra un par di dia despues  di e denuncia diripiente landsbesluit di intrekking a sali afo.

El a splica cu den SADA su mainbox nan a haya tur e corespondencia con e landsbesluit pa nombramento di e inspector aki a bin sali afo, y ora nan a denuncia esaki varios biaha, tanto na Minister Presidente como na Minister di Finanzas cu esaki ta algo cu no ta pas cu integridad, nunca mas e sindicato a scucha nada mas.

Nan a pidi Minister di Finanzas un update pasobra e y Prome Minister a bisa cu nan lo laga investiga esaki, pasobra e no ta cuadra cu integridad, y no por a laga esaki pasa bay.

E sindicalista a subraya cu no ta trata di un scale 5 pa 6 pero unda un persona por yega te scale 15 sin cu e persona tabata tin e estudio necesario. Enberdad e intrekking a sali. Lamentablemente e persona a bay den bezwaar, cual ta su derecho, pero loke tanto minister di finanzas como minister presidente a bisa sinta na mesa cu lo haci un investigacion nan no a cumpli cu nan palabracion.

E sindicato a pidi nan formalmente pa medio di un carta, dia 3 di September, pa cuminza cu e investigacion, tanto riba e director di Aduana como e director di Recurso Humano sra. Larez cu ta esnan cu a manda e verzoek y cu a hinca Gabinete di Gobernador den un situacion hopi dificil, pasobra akinan nan ta papiando di integridad.

Edward Maduro a subraya cu dia 3 di September SADA a entrega e carta aki pa haci e investigacion y diripiente dia 6 di September a sali un toegangsontzegging  pa su persona. E ta haya obvio cu esaki ta un persecusion cu e no kier yame persecusion politico ainda, pero si un persecusion di parti di e director di Aduana.

 

- Advertisement -

DUNA COMENTARIO

Please enter your comment!
Please enter your name here