Home Cultura Escritor Evelien van Dort a presenta su buki nobo ‘Ga je mee...

Escritor Evelien van Dort a presenta su buki nobo ‘Ga je mee op reis?’

21
0
SHARE
- Advertisement -

ORANJESTAD (AAN):  Autor di buki pa mucha, Evelien van Dort, a regala biblioteca hubenil 2 buki den cuadro di e tema di e Festival di Buki pa Mucha.

E aña aki biblioteca ta invita tur mucha pa ‘Ban lesa, biaha y gosa’ pa medio di buki y informacion di medio di transporte manera avion, bus, bicicleta, barco, cabay y burico, auto y mucho mas.

Sra. Evelien van Dort su ultimo publicacion ta ‘Ga je mee op reis?’ y esaki a keda traduci tambe na Ingles ‘Let’s go on a journey!’. Ta trata di un buki pa mucha cu 10 storia cortico. Martine van Nieuwenhuyzen a ilustra e storianan.

Dies storia di mucha cu ta biaha rond mundo y ta pasa den aventura, cada mucha ta pasa den experencia nobo y diferente. E storianan sigur lo inspira mucha pa gosa di cualkier biahe of aventura y tambe pa lesa mas.

Sra. Evelien van Dort (’61) a cuminsa skirbi tempo cu e mes tabata mucha y no a stop nunca, ainda e tin hopi idea pa realisa den futuro. E ta participa hopi biaha den Kinderboekenweek na Hulanda y Evelien a participa hopi biaha na Aruba. E gusta interaccion cu mucha y conta storia. Banda di esey e ta gusta canta y toca gitara. E ta gusta biaha tambe y pesey e ta gusta e tema di e Festival di Buki pa Mucha asina hopi.

Otro temanan cu e ta gusta ta ‘amistad’, ‘naturalesa’ y ‘bestia’. Evelien van Dort a entrega sra Astrid Britten, directora di Biblioteca Nacional Aruba algun ehemplar pa e muchanan di Aruba di 4 pa 7 aña.

- Advertisement -

DUNA COMENTARIO

Please enter your comment!
Please enter your name here