Home Enseñanza Ex alumnonan di Maria College a celebra cu 50 aña pasa nan...

Ex alumnonan di Maria College a celebra cu 50 aña pasa nan a termina MULO

107
0
SHARE
- Advertisement -

ORANJESTAD (AAN) – Pa celebra cu 50 aña pasa nan a termina MULO y 10 aña di encuentro, e grupo  di Maria College a scoge pa un brunch cu a tuma lugar na La Vista na Marriott Resort dia 8 di September 2019 unda varios di e ex-alumnonan a pasa un paar di ora den un ambiente hopi agradable.

Tabata na aña 1969 ora cu 40 alumna di Maria College a slaag pa nan MULO diploma.

E alumnonan aki, na momento cu nan a termina MULO, a scoge sea pa drenta seccion laboral, bay den exterior of studia na Arubaanse Pedagogische Academie (APA).

Pesey mes mayoria di esnan cu a slaag a opta pa keda Aruba y bay traha den gobierno, banco, compania di seguro, hospital etc pa mas di 40 aña.

Tabata na aña 2009 cu a bin cu un idea pa tur e alumnonan cu a slaag na aña 1969, topa cu otro. Esey no a bay facil pasobra net den e temporada ey Maria College tabata den remodelacion y a bay warda tur documento, entre otro e  lista cu e nombernan di e alumnonan, na un otro caminda. Pero finalmente a haya bon noticia di e cabesante di e school cu a topa cu e lista.

Asina a cuminsa busca contacto cu e alumnonan aki, cual a haya mayoria di nan y a organisa e prome encuentro unda, por lo menos 35 ex alumno y tambe Mr. Ostendorf ( dfm) y Juffrouw Lucy, tabata presente.

Di aña 2010 te cu awo, 2019, a tene un encuentro por lo menos 1 biaha pa aña sea den forma di diferente desayuno, brunch, un atardi na un café , bishita ex-maestronan y diferente otro encuentro mas.

Y mas aun pa recorda e temponan dushi di Maria College, a coba den bahul y a haya fotonan di un biahe pa Corsow na aña 1968.

Esnan presente a disfruta di e di aki.

- Advertisement -

DUNA COMENTARIO

Please enter your comment!
Please enter your name here