‘Fact Team’ lo atende cu mucha y hoben sin cu mester wordo interna

    128
    0
    SHARE
    - Advertisement -

    Rafael Lopez: SPD ta existi desde 1971 y a focus ariba tratamento pa adultonan

    ORANJESTAD (AAN):  Dialuna mainta a keda oficialmente introduci e asina yama ‘Fact Team’ cu lo atende cu mucha y hobennan cu problemanan mental of di adicion.

    Rafael Lopez, kende ta lidera e team a indica cu ‘Fact Team’ ta bay traha a base di un sistema flexibel pa duna e tratamento di comunidad sin cu e persona mester wordo interna.

    Ta un sistema cu ta wordo implementa tur parti di mundo aworaki pa limita cu un persona ta wordo hospitaliza, Lopez a remarca.

    SPD ta existi for di 1971 pero pa tratamento pa adultonan. Aworaki loke kier inclui ta mucha y hobennan den e tratamento pero tambe a inclui e servicio ambulatorio.

    ‘Fact Team’ di Departamento Social Psiquiatrico ta bay trata problema mental pero tambe ta bay pone enfasis ariba drogadiccion y otro problemanan di comportacion.

    Segun Rafael Lopez aworaki no tin un rango di edad mas. Prome tabata papia di 18 bay ariba. Awor ta enfoca ariba e problema sin importa edad.

    Ta trahando conhuntamente cu otro departamentonan concerni pa asina por ofrece un servicio completo y segun cada caso

    Pa ayudo por yama 585-6990 durante oranan di oficina y pafo di oranan di oficina por yama 522-4343. Tambe por acudi Avicenastraat durante oranan di oficina of na Santa Cruz 132, di 7:30 am pa 4:30 pm.

    ‘Fact Team’ di SPD ta e unico instancia cu lo ta disponibel 24 ora entrante diabierna 20 di September pa atende cu e tipo di problemanan aki. Si e caso ta uno cu no ta pa e team aki, e lo wordo pasa pa e otro instancianan, a remarca.

    - Advertisement -

    DUNA COMENTARIO

    Please enter your comment!
    Please enter your name here