Home Hudicial Fiscal a apela sentencia di miembro di seguridad di CEA declara liber...

Fiscal a apela sentencia di miembro di seguridad di CEA declara liber sospecha di a abusa di su yiu y un otro mucha

68
0
SHARE
- Advertisement -

ORANJESTAD  (AAN) – Otro siman Hof di Corte Superior lo ta na Aruba pa trata diferente apelacion di sentencia di Corte den Promer Instancia den casonan penal. Un di e casonan cu sigur lo bay ta hopi interesante ta e apelacion di Fiscal contra e sentencia di Hues cu a declara e homber F. liber di e acusacionnan di Fiscal.

Fiscal no a keda nada contento cu el a exigi 4 aña di prison pa F. y Hues no ta haya legalmente proba y a declara F. liber y a duna orden pa pone F. den libertad di biaha.

EXIGENCIA DI FISCAL

Na Maart 2019 tratamento di e caso tabata caminda Fiscal a bisa cu F. ta desmenti tur cos. Pero tin suficiente prueba. Tin denuncianan haci y mirando declaracion di e victimanan, Fiscal ta haya cu tin suficiente prueba. Fiscal a bisa cu aki no ta trata di un complot pa regla cuenta cu F. sino cu algo realmente a pasa. E hendenan rond di e victimanan a mira cu e victimanan a cambia den comportacion y cu nan ta wanta algo.

Tambe Fiscal a mustra e acercamento di F. cu e mucha muher di 14 aña. Fiscal a sigui bisa cu F. ta haya cu su forma di papia tabata masha normal. El a bisa cu e tabatin relacion cu un Venezolano hopi tempo y e expresion di dushi ta algo masha normal. Na opinion di Fiscal, tin suficiente prueba cu F. a mishi cu e dos muchanan. Fiscal a bisa cu no por prueba cu realmente F. a mishi cu pecho di su mesun yiu muher y a pidi Hues pa declara F. liber pa esey.

Pa cu e castigo Fiscal a bisa cu e ta tene cuenta con muchanan a keda afecta. El a tene cuenta cu F., como miembro di CEA, ta sera den KIA. Door cu ta trata di muchanan menor di edad, Fiscal ta considera esaki mescos cu violacion. Esaki a sosode diferente biaha y a tacha integridad di e muchanan. Fiscal a tuma F. na malo cu a hacie cu su propio yiu muher y su sobrina. Fiscal a exigi 48 luna di prison, kitando e tempo cu e ta sera den KIA.

SENTENCIA

Na April 2019, Hues a dicta sentencia caminda Hues ta haya cu contrario na Fiscal, e no ta haya legalmente y convicente proba cu F. a abusa di e muchanan. Hues a bisa cu for di e investigacion por mira cu tur e declaracionnan ta bin di e mesun fuente o sea e dos muchanan. A base di ley mester tin prueba di sosten y Hues ta haya cu esey no ta e caso. Hues a declara F. liber y a duna orden pa e wordo poni den libertad e mesun dia.

Ta di compronde cu e momento cu Fiscal a apela e sentencia, e homber F. ta sinti’e hopi fastioso pasobra un biaha mas e lo mester presenta den Corte hunto cu su abogado pa bringa contra e acusacionnan cu Fiscal a presenta contra dje. DIARIO lo informa lectornan di tur loke lo sosode den sala di Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here