Home Gobierno Fondo Monetario Internacional y agencianan di rating a  confirma e bon direccion...

Fondo Monetario Internacional y agencianan di rating a  confirma e bon direccion di maneho nobo di Gobierno

36
0
SHARE
- Advertisement -

Gobernador:

ORANJESTAD(AAN):  Turismo keto bay ta e motor principal di nos economia. Aña 2019 ta manteniendo un perspectiva di crecemento positivo y ta premira cu 2020 lo ta hopi prometedor pa nos turismo.

Esaki Gobernador Alfonso Boekhoudt a bisa Diamars, durante su discurso di Aña Nobo Parlamentario.

Su excelencia a bisa tambe cu diferente proyecto importante lo wordo continua cu e meta pa acapara e crecemento cu nos a bin ta realisa como isla.

Entre nan tin:

E proyecto di ampliacion di nos aeropuerto “Gateway 2030”,

e proyecto di “Port City” pa transformacion di e area caminda nos waf ta situa den un area atractivo door di combina usonan di parke di recreacion, residencia y actividadnan comercial.

“Den e aña parlamentario cu ta inicia awe, lo cuminsa tambe cu e preparacionnan pa diferente proyecto na San Nicolas, pa integra P’Ariba di Brug, como parti di Aruba su infrastructura turistico”.

“Un finanzas publico saludabel ta e gasolin den e motor di nos economia. Esey ta e motibo di e enfoke principal di Gobierno pa yega na finanzas publico duradero pa nos isla. E normanan den e ley di 2015 pa e supervision financiero no ta vigente mas. P’esey a traha e Memorando Financiero Economico 2018-2021, pa stipula e caminda pa yega na un maneho di finanzas publico saludabel.

E Memorando aki tabata base pa un protocol nobo cu a negocia cu Hulanda na November 2018 caminda a stipula normanan pa e añanan 2019-2021 cu un surplus riba presupuesto di un mitad porciento na 2020 y un porciento na 2021. Hunto cu Conseho di Minister di Reino ta buscando e alternativa con pa ancra esakinan den ley manera palabra”.

Esaki segun Gobernador Boekhoudt, kende a indica tambe cu un di e instrumento cu Gobierno tin na su disposicion pa mehora e finanzas publico, ta un reforma fiscal.

Lo percura pa crea incentivonan tanto pa comercio local como internacional. Y pa cuminsa mester simplifica e sistema pa haci’e transparente, accesibel y mas husto.

“Fondo Monetario Internacional y agencianan di rating a haci un evaluacion e aña aki y a confirma e bon direccion di maneho nobo. E conclusionnan tabata “generalmente positivo”, debi na e implementacion progresivo di e reforma fiscal y e pasonan tuma pa stabilisa e trayecto di e debe nacional. Na mes momento, nan ta pidi atencion si tambe pa cierto aspectonan di finanzas publico, pa motibo cu nos no ta ainda unda nos mester ta”, segun Gobernador Boekhoudt.

 

- Advertisement -

DUNA COMENTARIO

Please enter your comment!
Please enter your name here