Home Gobierno “Fortalece e autonomia y funcionamento di Parlamento, ta mescos cu fortalece nos...

“Fortalece e autonomia y funcionamento di Parlamento, ta mescos cu fortalece nos democracia”

45
0
SHARE
- Advertisement -

Gobernador Alfonso Boekhoudt:

ORANJESTAD(AAN): Diamars mainta a tuma lugar apertura di Aña Parlamentario 2019/2020 y manera ta e custumber di tur aña, Gobernador ta hiba un discurso riba e desaroyonan di nos pais.

Gobernador Alfonso Boekhoudt a cuminza na bisa cu na  2007 Asamblea General di Nacionnan Uni a proclama 15 di September como Dia Internacional di Democracia.

“Cu e fecha aki acercando, nos ta wordo recorda cu democracia ta un balor universal basa riba e libertad di un pueblo pa expresa su mes libremente, pa determina su sistema politico, economico, social y cultural”.

E libertad fundamental aki mester wordo respeta y cumplí cu ne, sin exclui participacion di ningun grupo den e proceso democratico”.

Esaki segun su excelencia Gobernador, kende a sigui bisa cu Democracia ta un proceso y un meta alaves.

E mester conta cu participacion y apoyo di organonan nacional di gobierno y nos sociedad civil, como tambe e organonan di e reino cu nos ta forma parti di dje y di comunidad internacional.

Den e proceso aki, nos parlamento ta hunga un rol masha importante mes.

E Gobernador a indica tambe Diamars cu e aña aki ta pa di 34 biaha cu un aña parlamentario nobo ta wordo habri y cu Cada miembro di nos Parlamento, cu ta representa e pueblo tin un responsabilidad grandi.

“E sala aki ta e simbolo di democracia di nos pais. Akiden ta wordo debati pa cumpli cu e mandato cu pueblo a duna, pa carga e responsabilidad pa defende y proteha e principionan di nos Estado di Derecho. E parlamento aki ta e piedra di skina di nos sistema politico”.

Esaki segun Gobernador Boekhoudt, kende a bisa tambe cu fortalece e autonomia y funcionamento di Parlamento, ta mescos cu fortalece nos democracia.

“Nos a wak pasonan bon wordo tuma den e direccion aki, pero nos ta conciente tambe cu tin mas paso cu mester wordo tuma”.

“P’esey Gobierno ta aplaudi e diferente iniciativanan cu Parlamento a tuma den pasado y mas reciente pa proteccion di tur ciudadano contra decisionan di Gobierno”, segun Gobernador.

 

 

- Advertisement -

DUNA COMENTARIO

Please enter your comment!
Please enter your name here