Home Social Frans Figaroa ta empleado ehemplar na Hospital cu mas di 40 aña...

Frans Figaroa ta empleado ehemplar na Hospital cu mas di 40 aña di dedicacion

100
0
SHARE
- Advertisement -

ORANJESTAD (AAN):  Coleganan y famia a bini hunto pa sorprende Frans Figaroa, manager interino di HOH Academy, cu a wordo nomina pa empleado di luna di augustus 2019. Frans no a sper’e ya cu e ta bahando cu pensioen pronto.

Director di cuido, sr. Ezzard Cilié a conta di e tempo cu ela topa cu Frans ora nan a haci nan opleiding hunto y cu semper e tabatin hopi aprecio pe.

Barth Koster, manager di HOH Academy, ta contento di por a traha cu Frans Figaroa 1 aña largo pa siña for di dje prome cu e baha cu pensioen. E ta agradecido pa esaki y ta impresiona con hopi Frans a logra durante su carera na Hospital.

Di wordo nombra como empleado di luna pa Frans Figaroa tabata un sorpresa y sentimentonan di alegria. Tur e añanan cu Frans Figaroa a traha, el a traha hopi duro y semper a pone pashent central. E ta traha pa hospital, traha pa e ser humano y a scoge e trabou ey hincando tur su empuhe den dje.

E ta hopi orguyoso cu a logra bin cu HOH Academy unda e trabou primordial ta guia e futuro di coleganan. “Futuro a cuminsa caba, nos tin cu inverti den opleiding. Nos tin cu inverti den calidad di servicio di hospital y nos ta logrando,” el a duna di conoce.

Frans semper ta dispuesto pa yuda y ta ofrece su asistencia na diferente proyecto dentro di HOH. Frans ta un “teamplayer”, e ta coopera cu coleganan y ta percura pa e trankilidad den e team. E ta un persona cu sentido di humor, ta integro y semper ta cumpli cu su afspraaknan. E tin un bista amplio riba tereno di educacion y ta ehecuta su vision  profesionalmente.

El a labora den diferente funcion y tambe den diferente comision incluyendo voorzitter di comision di calamidad pa hopi aña. Frans ta gusta su trabou y ta involucra su coleganan. Frans ta tuma iniciativanan p.e. acerca instancianan di exterior pa cuminsa lasonan di colaboracion.

Pa famia di Frans Figaroa tabata un honor di a mira e nombracion cu nan tata a ricibi y elogio despues di tanto aña di dedicacion na hospital. Yiu homber di Frans Figaroa a duna di conoce cu pa su tata hospital ta number 1 aparte di su famia.

Frans Figaroa ta un persona cu a dedica henter su bida na su carera. E famia ta agradecido p’e carera di nan tata na hospital. Danki tambe na e coleganan cu a sostene tur tempo na Hospital.

El a cuminsa cu su 17 aña y awo e ta bayendo cu pensioen unda cu el a logra loke e mester a logra. Un bunita reconocimento den bon ambiente cu varios colega y sernan keri.

Masha pabien Frans!

- Advertisement -

DUNA COMENTARIO

Please enter your comment!
Please enter your name here