Home General Fruta, berdura, prijs halto: bay puntra partner Nicolas Maduro

Fruta, berdura, prijs halto: bay puntra partner Nicolas Maduro

171
0
SHARE
- Advertisement -

Resumen

Na luga di refineria ta gasto pa cuida costa y pais cu refugiado 

*Puntra tambe cuanto e avion pa Mike bay cerca Nicolas a costa

*E Arubiano a paga pa e traicion cu e barconan di fruta y mucho mas 

Na e momentonan aki, Aruba ta pasa den un situacion sumamente serio cu ta exigi atencion pa desaroyonan importante. Mester mira con ta atende problemanan cu ta dicidi pa nos economia, nos situacion financiero y nos futuro directo.

Abuso ta wordo haci di e situacion actual cu a wordo crea dor di Mike Eman y su partner Nicolas Maduro, cu a destrui Aruba.

Cu cifranan oficial a wordo mustra pakico prijsnan a subi na Aruba. No mira solamente e BBO cu mester a wordo aumenta pa entre otro cubri e debe nacional y tur e sorpresanan manera e acuerdo cu Sada cu Mike a laga atras ora e mes no kier a kima su dede den porta di eleccion 2017.

Pa haya tur contesta pakico Aruba mester come pan cu pan, si e tin pan riba mesa, mester bay mira kico e partner di Mike Eman, Nicolas Maduro a nifica pa Aruba.

Si prijs di fruta y berdura tabata barata na Aruba, tabata pasobra Aruba tabata por a conta cu barconan Venezolano cu a haya e oportunidad di bin gana placa na Aruba.

No ta Aruba so tabata tin beneficio cu e barconan cu tabata permiti e Venezolano gana mas placa cu benta di fruta na Aruba cu na Venezuela.

Hasta den e ramo di comercio aki por a bini cu mas producto pa pone riba mercado. Pues e Arubiano y e Venezolano a beneficia di e barconan cu tabata bini pero cu a bira menos ora Nicolas Maduro a kita cuminda di pueblo Arubano pa pone riba mesa di placer di su amigonan.

Traicion di Nicolas Maduro tabata cu el a stop e barconan pa bini ora el a cera fronteranan y asina perhudica Aruba cu e tabata sa cu ta depende di e tradicion y e mercado cu a desaroya na waf.

Pues si awe fruta y berdura ta caro, si awe no por haya loke tabata cumpra na barco na prijs barata, mester bay puntra Nicolas Maduro kico a pasa.

Na mes momento mester puntra Nicolas Maduro kico el a haci cu nos turismo cu el a malogra. Aruba a haya su mes  na careda ora su turismo a cay y Merca mester a scapa Aruba como origen di turismo.

Si no por haya Nicolas Maduro mes pa contesta, mester laga Mike Eman drenta den contacto cu su partner, cu lo a trece e refineria cu no ta refineria, como salbacion pa e desastre financiero cu Mike a crea.

Na luga di refineria Aruba a haya su mes cu gastonan pa siguridad nacional pasobra e partner di Mike Eman, Nicolas Maduro, a causa horor na su pais y a destrui pas y trankilidad di henter e region di Aruba cu no tin entrada di refineria pero si gastonan di refugiado.

Placa di Reino no por bay pa e crisis social di Aruba pero pa yuda cu e crisis di refugiadonan cu a huy e horor di e partner di Mike Eman, Nicolas Maduro.

Ta un berguensa cu awe Arubianonan ta permiti stranheronan lanta Arubiano contra Arubiano den loke a wordo crea contra interes di e Arubiano.

Laga Mike Eman bisa pakico su partner Nicolas Maduro a cera frontera y a kita fruta y berdura for di e pueblo di Aruba cu mester paga avionnan cu Mike a uza pa bay cerca Nicolas Maduro.

Pasobra e gastonan pa e proyecto fantasma di Mike y Nicolas tambe a yuda zink Aruba  pasobra ni den un estado di alarma di e region  Mike no tabata tin vision!

 

- Advertisement -

DUNA COMENTARIO

Please enter your comment!
Please enter your name here