Home Social Fundacion Pa Nos Muchanan y Fundacion Respeta Mi a presenta charla: Reconoce...

Fundacion Pa Nos Muchanan y Fundacion Respeta Mi a presenta charla: Reconoce Señalnan di Abuso di Mucha

15
0
SHARE
- Advertisement -

ORANJESTAD (AAN):  Lidernan cu ta traha den un Centro di Cuido y Guia di Mucha (Creche y traimerdia) ta pasa hopi tempo cu e muchanan den nan grupo. Mirando e hecho aki, por conclui cu e lidernan tin un tarea sumamente importante y responsabilidad grandi ora ta trata cuido, guia y seguridad di nos muchanan.

Tur mucha, especialmente muchanan chikito ta depende riba adultonan pa ta nan voz y pa yuda nan ora nan ta den peliger, esaki ta haci cu e lidernan tin un rol importante ora ta trata señala posibel/sospecho di abuso/negligencia di mucha.

Pa e motibo aki, diasabra 31 di Augustus 2019 a ser teni un charla organisa pa Fundacion Pa Nos Muchanan hunto cu Fundacion Respeta Mi pa e lidernan di diferente Centro di Cuido y Guia di Mucha.

Durante e charla e participantenan a ricibi informacion tocante e diferente formanan di abuso di mucha, con pa señala e diferente formanan aki di abuso, y factornan cu por conduci na abuso di mucha. E participantenan tambe a wordo siña tres (3) pasonan importante cu lo yuda nan anda cu ‘disclosure’, cual ta ora un mucha ta revela cu e la pasa den un forma di abuso.

FPNM ta sumamente satisfecho di e informacion cu a wordo duna durante e charla y kier gradici Fundacion Respetami pa nan tremendo presentacion y tur e lidernan di Centronan di Cuido pa nan participacion.

Centronan cu a participa ta: ‘t Vogeltje, ABC Peuterschool, CEDES, De Grote Stap, Happy Day Speelschool, Jardin di Infancia, Kerekentenchi, Little Zoo Daycare, Mi Casita Traimerdia, Pasa Dushi Pasa Pret, Smartkidz, Tiponi Peuterschool-Naschoolse Opvang, The Cradle Daycare, Traimerdia San Nicolaas, YMCA

 

- Advertisement -

DUNA COMENTARIO

Please enter your comment!
Please enter your name here