Gabinete Eman a actua di mala fe den caso SADA

    992
    0
    SHARE
    - Advertisement -

    Empresa priva lo a pidi Hues castiga loke gobierno Eman a haci

    *Gabinete Eman a crea peliger pa Aruba loke ta castigabel

    *Parlamento mester dicidi riba bofon di pueblo y di sindicato 

    ORANJESTAD (AAN) — “Parlamento di Aruba mester dicidi kico ta pasa cu e acuerdo cu Gobierno Mike Eman a firma cu e sindicato SADA y mester cuminsa cu un investigacion pa determina e violacionnan di ley di Contabilidad cu no ta permiti gobierno mara Aruba na acuerdonan cu ta destrui interes di e pais.”

    Esaki ta informacion cu DIARIO a ricibi di informantenan cu kende DIARIO ta discutiendo asuntonan serio cu awe ta perhudica Aruba pero ta resultado directo di gobernacion cu a wordo hiba te 2017 pa Gabinete Mike Eman.

    “Loke Gobierno Eman a haci na 2017 ta completamente contra ley. Na e momento tabata conoci cu Aruba no tabata tin placa. Ya Gobierno Eman mester a cuminsa tuma medida. Gobierno Eman no por a caba cu presupuesto 2018 cu ora gobierno a cambia contra ley, a wordo laga atras pa e gobierno nobo,” a wordo remarca.

    Mientras e sindicato ta actua pa haya placa pa su miembronan,  informantenan di DIARIO ta mustra cu aki ta trata di violacion di e ley sagrado di Contabilidad cu ta regla con ta gasta placa di pueblo.

    “Den un empresa priva ta retiro directo ta wordo duna na un gerente cu pone bienestar di e empresa na peliger. Si e loke el a haci tin resultado pa e compania, ta cuminsa un caso pa e gerente paga for di su saco loke el a acorda,” a wordo mustra.

    Den e caso aki e sosten mayoritario cu gabinete Eman tabata tin den Parlamento tabata permiti violacion continuo di leynan manera rapportnan di consehonan di estado y instancianan oficial ta mustra.

    “Gobierno Eman a actua di mala fe. E tabata na haltura cu e pais no por a paga y esaki tabata e motibo cu e mes no a concretisa e acuerdo. Gobierno Eman a haci bofon di e sindicato y na mes momento a haci bofon di leynan di Aruba cu el a viola cu e acuerdo,” a wordo indica.

    Segun informantenan Parlamento mester atende e caso di exigencia di SADA awor pa determina e pasonan cu mester tuma.

    Aki a base di e Comptabiliteitsverordening mester actua contra gobernantenan di Gabinete Eman pero tambe Ministro Presidente Mike Eman cu no mester duna sosten na algo cu ta contra e pais y mester actua como Ministro Presidente segun ley.

    “E siman aki Aruba mester dicidi kico ta pasa. Un precedente serio a keda registra. Si permiti esaki tur gobierno por mara e pais na acuerdonan den futuro cu resultadonan sumamente peligroso pa e pais y poblacion,” a wordo indica na DIARIO.

    Manera a wordo treci dilanti, un empresa priva lo a cuminsa un caso civil pero tambe por a cuminsa un caso criminal pasobra no ta posibel pa un empresa wordo perhudica di e forma aki.

    E hecho cu gobierno Eman a dirigi un pais ta dobel castigabel segun leynan pasobra ta fondo publico contra regla directo hancra den ley, a trapa ariba pa yega na e areglo aki dilanti porta di eleccion.

     

    - Advertisement -

    DUNA COMENTARIO

    Please enter your comment!
    Please enter your name here