Home Gobierno Gobierno a prolonga ciere di frontera cu Venezuela ta keda cera pa...

Gobierno a prolonga ciere di frontera cu Venezuela ta keda cera pa tres luna mas

176
0
SHARE
- Advertisement -

Te dia 10 di December 2019

ORANJESTAD (AAN) — Minister Presidente y di Asuntonan General, mr. Evelyn Wever-Croes, Minister di Infrastructura Maneho di Medio Ambiente y Desaroyo Teritorial sr. Otmar Oduber y Minister di Husticia y DIMAS, tabata presente den conferencia di prensa pa hiba palabra, y elabora riba diferente asunto.

Na Prome Lugar, Minister Presidente a informa cu gobierno a prolonga e ciere di e frontera cu Venezuela, pa tres luna mas.

Ta asina cu na luna di Mei ultimo, na momento cu Venezuela a habri e frontera, Aruba a cere pasobra gobierno no tabata cla pa atende cu e fluho grandi di persona. E ora ey a cere pa un luna mas, despues na Juni a extende e ciere pa tres luna, y aworaki ta bolbe prolonga cu tres luna te dia 10 di December.

E motibo ta cu ainda e situacion na Venezuela ta hopi serio, y Aruba ta den proceso pa trece e medidanan y tuma e pasonan necesario pa eherce un miho control riba fluho di persona.

E dignatario a indica cu gobierno ta preocupa y e ta sigui e desaroyonan na Venezuela y ta conbibi cu e situacion dificil cu tin den e pais.

Minister Presidente a expresa cu gobierno ta hopi preocupa tambe pa e efecto grandi cu esaki tin riba nos pais, y den e caso specifico di e frontera e ta preocupa pa e costonan cu e ta trece cune, debi cu nos no por importa fruta y berdura for di Venezuela, y consecuentemente e productonan aki ta hopi mas caro na Aruba.

E mandatario a subraya cu henter e dossier  Venezuela ta un dilema; un balance constante pa haya e ekilibrio entre kico ta e interes di e comunidad y kico ta e riesgonan pa comunidad.

Ainda e balance aki ta indica cu ainda Aruba tin cu mantene su frontera cera pa asina gobieno por eherce un miho control riba fluho di persona.

- Advertisement -

DUNA COMENTARIO

Please enter your comment!
Please enter your name here