Home Comercio Gobierno di Aruba mester duna mas sosten y stop cu medida

Gobierno di Aruba mester duna mas sosten y stop cu medida

131
0
SHARE
- Advertisement -

Francis Saladin:

ORANJESTAD  (AAN): Francis Saladin di Comerciantenan Uni Aruba Diabierna a bisa cu ora cu a cuminza cu e debate cu minister di Finanzas y Economia, e preocupacion di e comerciantenan tabata cu si sconde e BBO den e prijs esaki lo duna e impresion cu comerciantenan ta hisa e prijsnan, mientras cu e realidad ta cu e prijs no a subi, sino e BBO ta wordo inclui den dje.

“El a crea mas confusion ora cu minister Ruiz Maduro a sali bisa cu comerciante ta bay page y no a consumidor”.

“Esaki a crea masha confusion mes den pueblo, unda cu pueblo a kere cu comerciantenan no ta suppose di cobra BBO na e consumidor”.

“El a duna e impresion cu tur e añanan aki nos a cobra BBO pa Gobierno y cu eigenlijk nos mester a page di nos saco”.

“Esaki no ta berdad y awe nos ta akinan pa refuta esaki y mustra pueblo cu esaki no ta duidelijk y no ta berdad”.

Esaki segun Saladin, kende ta lamenta cu e mandatario a bisa esaki y a crea confusion.

El a mustra un ehempel usando un recibo di Setar, mustrando claramente cu ta e consumidor ta paga e impuesto y no e comerciante.

“Nos kier a clarifica esaki, pasobra si bo inclui e BBO den e  prijs esaki ta crea confusion”.

“Si bo hinca e impuesto den e prijs bo no por wak mas cuanto bo ta pagando na belasting”.

“Despues di esaki nan por subi prijs cuanto cu nan kier y bo no sa mes cuanto e belasting a subi of no a subi, of si e comerciante a subi su prijs of no.

“Esaki ta un di motibonan pa cual nos tabata kier pa mantene e BBO separa di e recibo, pasobra ora cu bo hasi cambio den e belasting, e ta hopi facil pa bo hasi e cambionan necesario”.

Esaki segun Saladin, kende a splica cu e minister a duna un ehempel pa mustra con e BBO ta wordo calcula y cu no tin uso mas di diferente tarifa.

“Cu su ehempel, e minister mes ta duna e comerciantenan razon cu nan tin cu cobra un impuesto di 6.38% y no 6%”, segun Saladin.

El a sigui bisa cu ora cu el a tende presidente di Parlamento Adi Thijsen bisa cu Hulanda mester duna sosten y no sigui cu mas medida e kier cambia esaki y bisa cu ‘Gobierno di Aruba mester duna sosten y no mas medida’.

 

- Advertisement -

DUNA COMENTARIO

Please enter your comment!
Please enter your name here