Home Gobierno Gobierno ta bay soluciona fenomeno di taxi pirata cu tecnologia

Gobierno ta bay soluciona fenomeno di taxi pirata cu tecnologia

204
0
SHARE
- Advertisement -

Minister di Transporte Chris Romero

ORANJESTAD (AAN):  Minister di Transporte, Comunicacion y Sector Primario, Chris Romero a indica cu e tin otro reunion riba agenda cu  taxistanan. Ta trata di dispatcher Taxi Central, na unda taxistanan ta paga nan un ‘fee’ pa haya servicio cerca nan.

Minister a indica cu e tin oido pa nan, mescos cu tur otro cu e ta bezig cune. E Minister a agrega cu e siman aki e tin reunion cu otro grupo di taxista, y hopi hende ta puntra ta cuanto grupo tin, pero el a bisa cu mayoria tin mesun punto y preocupacionnan, manera SVB, cu ta un punto importante, y su Ministerio ta trahando riba un regeling pa cambia e sistema cu uno cu ta hopi mas efectivo.

Nan tambe ta reorganizando DTI pa trata nan reclamonan contra taxinan pirata, cu segun e mandatario, ta un fenomeno cu ta wordo crea no solamente A-wagen, pero e vergunning cu su persona ta encarga di dje, T cu overgunning, esey ta na unda e control mester tuma lugar. Naturalmente no tin suficiente empleado pa haci esaki, y esey ta un di e problemanan.

El a indica cu nan ta biniendo cu un medida pa elimina e fenomeno di taxi pirata cu tecnologia. Turistanan cu ta viaha rond mundo, nan tin custumber caba di usa diferente app, caminda nan ta ‘book’ nan taxinan adelanta, y e ta enfatiza cu ta taxinan cu ta registra na DTP y cu a haya un permiso firma door di Minister di Transporte. E taxinan lo ta disponible via e app aki y di e manera asina facil, lo elimina taxi pirata. Minister a indica cu desaroyo di e app ta hopi leu caba y nan ta spera cu pa prome cu fin di aña nan por introduci esaki.

Minister a bolbe enfatiza cu nan no ta neglisha ningun grupo y tur tin su atencion, hopi tin mesun problema y preocupacion, y nan ta purbando pa trece solucionnan mas lihe posible.

- Advertisement -

DUNA COMENTARIO

Please enter your comment!
Please enter your name here