Home Gobierno Gobierno y Fundacion Parke Arikok a firma MOU pa inicia proyecto di...

Gobierno y Fundacion Parke Arikok a firma MOU pa inicia proyecto di Hardin Botanico

19
0
SHARE
- Advertisement -

ORANJESTAD (AAN):   Diahuebs mainta Minister Rudy Lampe, den nomber di Ministerio di Enseñanza, Ciencia y Desaroyo Sostenibel, a firma un MOU (Memorandum of Understanding) cu Fundacion Parke Nacional Arikok (FPNA).

Lampe a indica cu mundo ta pasando den cambio climatico. Sa di e calentamento global y cada bes ta birando mas y mas cayente cu tur e consecuencianan cu esaki tin pa e planeta

Como gobernantenan no por keda cu braza cruza, a remarca. A bisa cu e tabata na Colegio, na e HAVO, den e dependence Dakota unda por a combersa cu hobennan di e brug klasnan. Por mira e conciencia cu tin cerca e muchanan aki di 11, 12 aña. Pesey e digitalizacion tin su gran bentaha ya cu ta contribui di un of otro manera pa conserva naturaleza, Minister Lampe a expresa.

Awe ta inicia e “Climate Summit’ na United Nations na New York y hobennan y muchanan lo bay protesta riba diabierna. E mandatario mes tambe ta rumbo pa New York pa bay atende e conferencia internacional aki.

E muchanan ta bisa cu e gobernantenan tin cu zorg pa tuma decisionnan corecto pasobra sino nan no tin futuro.

“E muchanan ta obliga nos pa pensa riba futuro. Anto pesey nos a cuminza start cu e proyecto aki di un botanic garden cu metanan educativo”, a señala.

Ta trata di un hardin botanico cu na sirbishi di scol. Esey kiermen cu kier pa e muchanan for di chikito siña tur e diferente matanan di e flora di Aruba,. Hofi Shon Shoco y Parke Nacional Arikok ta specializa den loke ta flora y fauna, Lampe a bisa.

Hofi Shon Shoco ta bay bira importante den e formacion aki di e muchanan na scol. Cu e firma di e MOU lo stimula y lo concretiza pa ricibi eynan bishita di scolnan cu guia, material y un momento educativo den e hofi, den naturaleza.

Ta importante pa Aruba cuminza perfila cu un hardin botanico. Tin turistanan cu ta bay diferente pais djis pa bishita nan hardin botanico y pa conoce e flora y fauna, Minister Lampe a señala.

Roland de Cuba, director general di Fundacion Parke Nacional Arikok a duna di conoce cu e ta sumamente contento pasobra ta bay traha un MOU, cu ta un entendimento entre Gobierno y FPNA pa cuminza cu un hardin botanico.

Trabaonan lo bay tuma lugar cu hobennan di Scol pa Ofishi. Muchanan cu ta den nan di cuater aña, den Scol pa Ofishi lo cuminza cu un leerwerk traject, caminda cu nan lo traha y siña a alavez. Nan lo specializa nan mes den temanan di botanica, groenbeheer, crecimento di mata, entre otro, de Cuba a splica.

E proyecto aki ta acapara tur tres pilar cu ta hopi importante pa e fundacion, cu ta conservacion, educacion y recreacion.

E trabao aki ta wordo haci den team, cu su colega Natasha Silva, cu ta e Chief Conservation Officer y cu ta forma e directiva di FPNA. Tambe tin e supervisor di mantencion Sr. Franken.

- Advertisement -

DUNA COMENTARIO

Please enter your comment!
Please enter your name here