Home Comercio Green Corridor ta matando comercio na Pos Chikito

Green Corridor ta matando comercio na Pos Chikito

92
0
SHARE
- Advertisement -

Comerciantenan kier atencion urgente di gobierno

ORANJESTAD  (AAN):  Un grupo di comerciante di Pos Chikito a yama prensa pa duna un declaracion. Nan ta preocupa cu algun desaroyo pa loke ta Green Corridor.

Parce cu e preocupacion ta pa varios aña caba. E vocero di e grupo a seña cu for di e momento cu a cuminza cu e proyecto aki tabata pidi auxilio pa motibo cu kier a haya un entrada pa asina por a haya atencion di comunidad.

E problema ta cu si e cliente ta bin di pariba of di pabao ta dificil pa lora y drenta den e area unda e negoshinan ta ubica. Kiermen ta mata comercio indirectamente ya cu e clientenan ta prefera na lugar di para, bay sigui core pariba of pabao di brug.

Esey ta e critica cu e comerciantenan a trece dilanti y nan ta buscando atencion di gobierno.

Nan a laga sa cu a manda un carta pa Minister Otmar Oduber y el a duna e grupo atencion y mustra cu ta bay papia cu DOW pa wak con mas pronto posibel por haci un entrada pa nan.

Pesey ayeratardi e comerciantenan tambe kier a duna nan opinion mirando cu e partinan cu a wordo perhudica ta varios negoshi, cual ta hopi y varia.

“Pa e negoshinan aki, nos ta haci un suplica na gobierno pa asina por tin atencion pa e hendenan aki mirando con poco poco nan negoshinan ta wordo cera”, e representante di e comerciantenan a bisa.

El a remarca cu Green Corridor a mata comercio na Pos Chikito y e proposicion cu nan tin ta pa DOW reuni cu e comerciantenan pa asina mustra unda kier pa tin un entrada. Pero tog mester tene cuenta cu e opinion di e ingenieronan pa analiza unda ta e mihor lugar pa habri un entrada pa tin acceso na e negoshinan mas facilmente.

E comerciantenan sa caba unda nan kier nan entrada, pero nan ta prefera pa DOW reuni cu nan. Ta warda pa e bishita wordo haci pa asina por yega na un solucion pa duna e bida bek na Pos Chikito.

Ta boga pa al menos tin un entrada mescos cu a haci na altura di ‘Young Fellow’. Nan ta sigur cu gobierno lo duna atencion pasobra e gobierno den coalicion a boga pa comerciante chikito crece, a remarca.

- Advertisement -

DUNA COMENTARIO

Please enter your comment!
Please enter your name here