Home Turismo Grupo Martinon ta bay crea un vinculo cu pueblo di Aruba y...

Grupo Martinon ta bay crea un vinculo cu pueblo di Aruba y comunidad di San Nicolas

109
0
SHARE
- Advertisement -

“Hopi importante pa drenta Aruba cu e pia drechi”

ORANJESTAD (AAN) – Luis Nuñez, Director Regional Comercial, di e “amresorts”, den conferencia di prensa cu a tuma lugar na Secrets Royal Resorts & SPA, na Punta Cana, a expresa cu pa e Grupo Martinon ta sumamente importante pa drenta Aruba cu e pia drechi.

Aruba ta un plaza hopi añora pa nan for di basta tempo caba, y efectivamente nan lo drenta cu Secrets cu ta luho y romance pa hende adulto, cu un target pa esnan mayor di 18 aña. Cada un di e tres conceptonan tin nan propio personalidad, unda e clientenan por celebra un honey moon, un aniversario, of otro similar, den un ambiente hopi luhoso.

Pakico e marca Secrets? Nuñez a splica cu dentro di e marcanan cu “amresorts” ta maneha, cu ta ocho caba y ta sigui crece, tambe tin algun cu tin mas penetracion den e mercado, y den e caso aki e mercado mericano.

“Nos marca Secret mescos cu e marca Dreams, ta esnan cu a penetra di mihor manera, locual tambe a bira un impulso adicional, pa garantiza e exito di e proyecto aki.

“Ademas, nos no tin brazalete, e room service ta inclui, nos tin bebidanan premium pa marca, den e barnan, y mucho mas pa experimenta. E tipo di clientela ta importantisimo pa e proyecto Aruba, pasobra nos kier agrega balor na e Isla y e area di San Nicolas.  Pues atravez di e tipo di clientenan aki di nivel halto, nos ta asegura e ecuacion cu ta bay den linea cu e obhetivonan di Aruba, como pais, Isla y Nacion”. Sr. Luis Nuñez a expresa.

Sr. Enrique Martinon tuma palabra y a splica cu e grupo aki a origina na Islas Canarias, cu tin hopi semehanza cu Aruba encuanto su clima, e brisa, cu ta un isla chikito.

“Pesey nos ta sinti capaz di desaroya nos producto den un Isla manera Aruba, cu nos sa ta un isla dificil y e reto grandi, pasobra nos tin cu tin tur hende contento. E poblacion ta bay ta hopi vinculo cu ta locual nos kier logra. Aruba ta un destino hopi posesiona di e mercado Mericano. Teni di e man di nos socio amresorts, nos semper a papia di futuro destinonan y Aruba tin nan interes tambe door di e posesionamento cu e isla tin di e mercado Mericano. Pesey nos ta kere cu e ta un destino hopi valioso pa nos encuanto desaroyo y crecemento di e grupo”.

Martinon a splica tambe cu den e prome fase ya caba nan ta studiando e subsuelo, y nan ta haciendo e proyecto di structura pa por cuminza na November proximo. E construccion lo tuma dos aña, segun calculacion, y e lo conta cu 600 camber. Ora tur esaki ta cla ta cuminza cu e di dos fase pa no satura e comunidad di San Nicolas, ni e Isla, sr. Martinon a comenta.

Un peticion cu Gobierno a haci ta pa no importa man di obra, sino pa traha cu e recursonan laboral local, locual e ta kere cu ta sensato y sano pa wak con e ta funciona, pasobra e ta encera inversionnan grandi.

Secrets ta dirigi na un cliente di poder ehecutivo halto, y e hecho cu e bebidanan premium ta inclui, e ta gusta sali, bay come den restaurant, conoce e lugar y locual mester tin cla na San Nicolas, ta e alternativanan pa e clientela sali for di e hotel.

Esaki e experiencia di e hotelnan di amresorts na Mexico (Cancun) y Santo Domingo (Punta Cana) ta mustra cu 50% di e clientenan ta sali pafo di e hotel.

- Advertisement -

DUNA COMENTARIO

Please enter your comment!
Please enter your name here