Home General Hamber y miseria pa futuro tabata maneho delibera di Mike

Hamber y miseria pa futuro tabata maneho delibera di Mike

717
0
SHARE
- Advertisement -

Analisis

Dia 20 di September Reino ta dicidi riba e batata cayente di Eman 

*Reino mester dicidi con ta paga BBO, fiesta, Citgo for di 2009 te 2018

*Rapportnan ta proba cu Mike tabata un bon amigo di su friends

Rapportnan ta duna prueba cu tur partido cu a participa na eleccion 2017 tabata tin un programa pa nan desaroya. Sinembargo, e unico partido cu tabata na haltura di loke realmente tabata spera Aruba, tabata partido AVP cu tabata e unico partido na mando for di 2009.

For di momento cu gabinete Eman a sinta, el a hiba un solo maneho cu awe mester ilustra na un forma cu tur hende por comprende. Esaki no pasobra pueblo ta bobo, pero pasobra gobierno Eman a haci uzo di terminologia y metodo cu ta dificil pa pueblo por analisa sin mas.

Pa DIARIO por a cumpli cu su labor y duna pueblo informacion corecto, nos tambe mester atende cu expertonan riba tereno financiero, constitucional y economico por ehempel.

Loke a pasa cu gobernacion for di 2009 ta, cu gobierno Mike Eman a crea un sistema di goberna cu por compara cu un batata cu ta herbe. Esun cu mester saca e batata for di awa ta kima su man y e persona cu come e batata, ta kima su boca.

E batata cu Mike Eman a pone na candela ta placa di pueblo. Boca di Arubianonan y man di politiconan cu mester saca e batata for di awa cayente, ta kima.

Na momento cu Mike Eman a tuma poder na 2009, el a introduci un fiesta cu placa di pueblo cu mester a sigura cu pa semper e lo a keda na poder.

El a baha BBO na mita y na mes momento a bay haci prestamo. Esaki ta encera cu e placa cu pueblo no a paga na BBO, cuminsando for di 2010 den futuro (cu ta awe) mester wordo paga.

Mike Eman tabata sa kico e ta haci pasobra Raad van Advies a bay contra e formula aki. Pero el a persisti.

Den mes tempo 1.6 Biyon Florin a wordo poni na disposicion di personanan y instancianan di family and friend “Mike Eman”.  No por kita cu Mike tabata un bon amigo di su family and friends. E tabata un tremendo amigo y awe pueblo mester paga e gastonan cu e amistad a laga atras. Pueblo mester come e batata cayente cu el a pone den wea.

Na 2013 cu falsedad Mike Eman a tene realidad di e situacion financiero di Aruba secreto pa Aruba. El a haya loke e tabata kier cu ta su regreso como Ministro Presidente di Aruba.

E batata cayente tabata kima ora el a hinca Aruba den e wega di Citgo, cu el a bay laga na momento cu e tabata sa cu e proyecto mester a fracasa.

Na 2017 pueblo no a cay den su trampa y e mester a baha pero sin ta suficiente honesto pa bisa kico el a laga atras.

Ora e gobierno nobo a sinta no tabata tin ningun bista kico spera. Hunto cu Hulanda a caba cu e presupuesto pa 2018.  Tur hende sa cu Citgo tambe mester a bay rementa riba un gobierno nobo.

Den rapportnan oficial a mustra Mike Eman riba e abuso cu el a crea pa futuro di Aruba cu ta awe.

E siman aki, dos aña despues di eleccion 2017 ora Mike Eman a yora y a disparce for di panorama, Gobierno Wever-Croes mester bay atende cu Reino kico mester pasa cu e batata cayente cu Mike a entrega Aruba.

Un batata pa kima boca di Aruba cu awe cu hamber ta e futuro cu Mike a planea.

- Advertisement -

DUNA COMENTARIO

Please enter your comment!
Please enter your name here