ORANJESTAD (AAN): Comandante di Forsanan Naval, (C-ZSK), Vise-Admiral Kramer, ta haci un bishita na Comandante di Poder Naval den Area di Caribe y su unidadnan. C-ZSK den Marina Real ta e Officier di mas halto cu ta na mando di tur unidad Hulandes di Marina.
E bishita a cuminza luna pasa, na e punto di apoyo di Marina na Pointe Blanche, na St. Maarten, sigui pa un bishita na Kazerne na Savaneta na Aruba. Diaranzon e ta nabega bay hunto na bordo di nave di patruya Zr.Ms. Groningen y e lo papia ku e tripulacion di e barco.
Diahuebs y Diabierna e lo bishita e unidadnan cu ta labora na e Base di Marina na Parera y e Kazerne di Marina na Suffisant. For di Diaranzon mainta Comandante di Forsanan Aereo (C-LSK), Teniente General Luyt ta join den e bishita aki.
Otro siman tin un bishita planea di Comandante di Forsanan Arma, Teniente Admiral Rob Bauer y e Minister di Defensa Anke Bijleveld, den Area di Caribe. E bishita aki prome tabata planea pa Juni di e aña aki, pero pa motibo di problema di transporte, e bishita aki a keda cancela e tempo ey.
